Lukas 8:47 - Marahay na Bareta Biblia

⁴⁷ Nahiling kan babae na naaraman an ginibo niya, kaya pinagtatakigan siyang nagdolok asin nagdapa sa pamitisan ni Jesus. Sinabi niya ki Jesus sa atubangan kan gabos kun tadaw ta dinutaan niya siya dangan kun paanong naomayan tolos siya.

Lukas 8:47 Iomraidhean Croise

Salmo 2:11

Maglingkod kamo na may pagkatakot sa Kagurangnan;

Salmo 38:9

Kagurangnan, aram mo an sakong mga kamawotan; nadadangog mo an gabos kong inagrangay.

Salmo 66:16

Madya asin pagdangog, kamo gabos na may pagkatakot sa Dios, asin sasabihan ko kamo kan ginibo niya sako.

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Oseas 13:1

Kaidto, kun minataram an tribu ni Efraim, nagkakatarakot an ibang tribu nin Israel, huli ta an tribung ini ginagalangan sa Israel. Alagad nagkasala an mga tawo huli sa pagsamba ki Baal, asin huli kaini, magagadan sinda.

Oseas 5:3

Aram ko kun ano an kabaing nin Israel—dai niya ako pwedeng pagtagoan. Dai siya nagin maimbod, asin bakong maninigong magsamba sako an saiyang banwaan.”

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Mateo 28:8

Kaya hidaling nagluwas sa lulubngan an mga babae, tinatakigan sa takot alagad maogma; nagdalagan sinda tanganing baretaan an mga disipulo.

Markos 5:33

Aram kan babae an nangyari saiya, kaya tinatakigan sa takot na nagdolok siya ki Jesus, nagluhod sa atubangan niya, dangan itinuga an bilog na katotoohan.

Lukas 8:46

Alagad nagsabi si Jesus, “May nagduta sako, huli ta namatean kong may kapangyarihan na nagluwas sako.”

Lukas 8:48

Sinabihan siya ni Jesus, “Aki ko, an saimong pagtubod iyo an nagpaomay saimo. Lakaw sa katoninongan.”

Mga Gibo 16:29

Nagpakua nin ilaw an bantay, nagdalagan palaog, saka tinatakigan na nagdapa sa pamitisan ni Pablo asin ni Silas.

1 Corinto 2:3

Kaya kan yaon ako diyan saindo, maluya ako saka pinagtatakigan sa takot.

2 Corinto 7:15

Kaya an pagkamoot niya saindo nag-oorog, kun nagigiromdoman niya an pagkamakinuyog-kuyog nindo saiya, asin an pag-ako nindo saiya na may takot saka paggalang.

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”