Lukas 8:27 - Marahay na Bareta Biblia

²⁷ Pagtungtong ni Jesus sa baybayon, sinabat siya nin sarong lalaking taga duman na may mga demonyo. An tawong ini haloy nang dai naggugubing asin dai nag-eerok sa harong kundi sa mga lungib na pinaglulubongan.

Lukas 8:27 Iomraidhean Croise

Isaias 65:4

Pagkabanggi, minaduman sinda sa mga lungib saka lulubngan tanganing makihumapot sa mga espiritu kan gadan. Nagkakakan sinda kan karne nin orig asin nag-iinom kan sabaw kan karne na idinolot sa mga paganong sakripisyo.

Mga Bilang 19:16

Sa luwas kan tolda, kun may magduta sa tawong ginadan o nagadan sa natural na paagi, o kun may magduta sa tolang nin sarong tawo o sa sarong lulubngan, magigin maati sa laog nin pitong aldaw.

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Markos 5:15

Pag-abot ninda ki Jesus nahiling ninda an tawong dating may mga demonyo, nagtutukaw asin nakagubing na, saka toltol na an isip; asin nagkatarakot sinda.

Lukas 8:26

Duminoong sinda sa Gadara na kahampang kan Galilea.

Lukas 8:28

Pakahiling ki Jesus, nagkurahaw an lalaki, nagdapa sa atubangan niya asin makosog na nagsabi, “Jesus, Aki nin Kahorohalangkaweng Dios, ano an pakilabot mo sako? Nakikiolay ako saimo, dai mo ako pagpasakitan!”

1 Samuel 19:24

Hinuba niya an saiyang gubing asin nagsayaw saka nagkurahaw sa atubangan ni Samuel, dangan naghigda na huba sa bilog na aldaw asin banggi. (Iyo ini an kapinonan kan kasabihan, “Ano si Saul, saro na man na propeta?”)