Lukas 7:44 - Marahay na Bareta Biblia

⁴⁴ Dangan kinilingan niya an babae saka sinabihan si Simon, “Nahihiling mo an babaeng ini? Nagdigdi ako sa harong mo alagad dai mo man lamang ako tinawan nin tubig na panghanaw sa mga bitis ko. Alagad hinugasan niya iyan kan saiyang luha saka pinahidan kan saiyang buhok.

Lukas 7:44 Iomraidhean Croise

Genesis 18:4

Tugote akong magkua nin tubig tanganing makahanaw kamo kan saindong bitis; pwede kamong magpahingalo sa limpoy kan kahoy na ini.

Genesis 19:2

dangan nagsabi, “Mga kagurangnan ko, nakikimaherak akong mag-ontok ngona kamo sa harong ko; hanawan nindo an saindong bitis asin magpahingalo kamo. Dangan, pwede kamong magmatang amay asin magpadagos sa paglakaw.” Nagsimbag sinda, “Dai na; sa tinampo na sana kami mapaaga.”

Genesis 43:24

Pinadagos kan sorogoon an magturugang sa harong ni Jose; tinawan niya sinda nin tubig tanganing maghanaw kan saindang bitis, dangan pinakakan an saindang mga asno.

2 Samuel 11:8

Dangan sinabihan ni David si Urias, “Magpuli ka asin magpahingalo ngona.” Naghale si Urias, asin sarong regalo an ipinadara saiya ni David sa saiyang harong.

Lukas 7:38

Nagtindog siya sa likodan ni Jesus, sa may pamitisan. Nagtatangis siya asin an saiyang mga luha nagtatagdo sa mga bitis ni Jesus; pinahidan niya an mga ini kan saiyang buhok, hinadokan dangan inulaan nin pahamot.

Lukas 7:43

Nagsimbag si Simon, “Sa paghona ko sana, idtong pinatawad na dakul an utang.” “Tama ka!” an sabi ni Jesus.

Juan 13:5

Linagan niya nin tubig an sarong palanggana saka saro-saro niyang hinanawan an mga bitis kan mga disipulo, dangan pinahidan niya kan twalyang yaon sa saiyang habayan.

1 Timoteo 5:10

Laen pa kaiyan, dapat igwa siya nin marahay na dangog sa gibong karahayan: marahay an pagpadakula kan saiyang mga aki, nagpasakat nin dayuhan sa saiyang harong, naghanaw kan mga bitis kan mga banal, nagtaong kaginhawahan sa mga nagtitios, saka nagdusay kan saiyang buhay sa paggibo nin karahayan.

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?

Hukom 19:21

Kaya ipinag-iba niya sinda sa saiyang harong dangan pinakakan niya an mga asno. Naghugas kan saindang bitis an mga bisita dangan nagkarakan.

1 Samuel 25:41

Nagdapa sa daga si Abigail dangan nagsabi, “Sorogoon niya ako, asin andam ako sa paghanaw kan mga bitis kan saiyang mga sorogoon.”