Lukas 7:12 - Marahay na Bareta Biblia

¹² Kan harani na siya sa trangkahan kan banwaan, may nasabat siyang sarong lubong. An gadan solong aking lalaki nin sarong babaeng balo. Kadakul kan nakikipaglubong.

Lukas 7:12 Iomraidhean Croise

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 22:2

Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”

2 Samuel 14:7

Ngunyan, iniiwal ako kan gabos kong kadugo asin hinahagad na itao ko sainda an nakagadan, tanganing gadanon ninda huli sa paggadan niya kan saiyang tugang. Kun gibohon ko iyan, mawawaraan ako nin aking lalaki. Gagadanon ninda an huri kong paglaom, asin an sakong agom mawawaraan nin aking lalaki na mapadagos kan saiyang ngaran.”

1 Mga Hade 17:12

Nagsimbag an balo, “Minasumpa ako sa ngaran kan buhay na Kagurangnan na saimong Dios na mayo ako nin tinapay. Igwa na sana ako nin sarong gugom na arina sa mangko saka kadikit na lana nin oliba sa dulay. Nagdigdi ako tanganing mamurot nin nagkapirang igatong na dadarahon ko pabalik sa harong, dangan aandamon ko an kadikit na pagkakan para sako asin para sa sakong aking lalaki. Huring pagkakan mi na iyan, dangan magagadan na kami sa gutom.”

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Hade 17:23

Ilinusad ni Elias an aki dangan itinao sa ina. Sinabihan niya an balo, “Hilinga, buhay an saimong aki.”

1 Mga Hade 17:9

“Dumuman ka ngunyan sa Sarepta, na sarong banwa sa Sidon, asin mag-ontok ka duman. Pinagbotan ko an sarong babaeng balo duman na pakakanon ka.”

2 Mga Hade 4:16

Nagsabi saiya si Eliseo, “Sa siring kaining panahon, sa sunod na taon, mangangaki ka nin sarong lalaki.” Nagsabi an babae, “Sorogoon nin Dios, dai ka magputik sako!”

2 Mga Hade 4:20

Dinara kan sorogoon an aki sa saiyang ina; kinulkul kan ina an saiyang aki sagkod na odto, dangan nagadan an aki.

An Libro ni Job 29:13

Benebendisyonan ako kan tawong madali nang magadan, asin ginigibo kong mag-awit sa kaogmahan an babaeng balo.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Lukas 7:11

Dai nahaloy, nagduman si Jesus sa sarong banwaan na inaapod Nain. Nag-iba saiya an mga disipulo niya saka an kadakul na tawo.

Lukas 7:13

Kan mahiling ni Jesus an ina kan gadan, naherak siya nin marahay kaya sinabihan niya an babae, “Dai ka magtangis.”

Lukas 8:42

huli ta naghihingagdan an bugtong niyang aki, sarong babae na doseng taon an edad. Kan pasiring na si Jesus sa harong ni Jairo, nagsurusoan an mga tawo sa palibot niya.

Lukas 8:52

An gabos na yaon duman nagtatangis asin naghahaya sa gadan. Alagad sinabihan sinda ni Jesus, “Dai kamo magtangis! An aki bakong gadan kundi nagkakatorog sana!”

Juan 11:19

kaya dakul na mga Judio an nagdalaw sa magtugang na Marta asin Maria sa pagranga sainda.

Mga Gibo 9:39

Kaya nag-iba sainda si Pedro. Pag-abot niya, dinara siya duman sa kwarto sa itaas. Tiniriponan siya kan gabos na babaeng balo na nagtatarangis; ipinahiling ninda saiya an mga bado asin mga alikboy na ginibo ni Dorcas kan buhay pa ini.

Mga Gibo 9:41

Kinapotan siya ni Pedro sa kamot saka tinabangan na magtindog. Pakatapos, inapod ni Pedro an mga banal saka an mga babaeng balo dangan ipinahiling niya sainda si Tabita na buhay na.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.