Lukas 6:12 - Marahay na Bareta Biblia

¹² Kan aldaw na iyan, nagtukad si Jesus sa sarong bulod, nganing mamibi; bilog na banggi siyang namibi sa Dios.

Lukas 6:12 Iomraidhean Croise

Salmo 22:2

Dios ko, kun aldaw ika sakong inaapod, alagad dai ka nagsisimbag; kun banggi ika man sakong inaapodan, alagad mayong nakukuang katoninongan.

Isaias 26:9

Sa bilog kong puso, hinihidaw taka pagkabanggi; sa saimong paghukom sa daga asin sa mga tawo diyan, an hustisya saindang manonodan.

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Mateo 5:1

Kan mahiling ni Jesus an kadakul na tawo, tuminukad siya sa sarong bulod. Pakatukaw niya, nagdorolok saiya an mga disipulo niya.

Mateo 6:6

Alagad kun namimibi kamo, lumaog kamo sa kwarto asin maminto kamo. Diyan kamo mamibi sa saindong Ama na dai nahihiling; asin babalosan kamo kan saindong Ama na nakakahiling sa hilom.

Markos 1:35

Kan sunod na aldaw, haloy pa bago magsirang an aldaw, nagbangon na si Jesus dangan naghale sa harong. Nagpasiring siya sa lugar na mayong tawo dangan namibi duman.

Markos 3:13

Dangan nagtukad si Jesus sa bulod asin inapod an mga lalaking boot niyang pilion; nagdorolok sinda saiya.

Markos 6:46

Pakapahalea niya sainda, nagtukad siya sa sarong bulod tanganing mamibi.

Lukas 5:16

Alagad nagduman si Jesus sa kalangtadan asin namibi.

Lukas 6:11

Grabe an kaanggotan kan mga paratukdo kan Katogonan asin kan mga Fariseo kaya pinag-orolayan ninda kun ano an dapat nindang gibohon ki Jesus.

Lukas 6:17

Naglugsot si Jesus kaiba sinda dangan nagtindog sa sarong patag na lugar. Yaon man duman an dakul niyang disipulo, sagkod an kadakul na tawong harale sa bilog na Judea, sa Jerusalem, asin sa Tiro saka Sidon, mga syudad na nasa tampi nin dagat.

Lukas 9:18

Sarong aldaw, solong namimibi si Jesus kan magdolok saiya an mga disipulo. Hinapot niya sinda, “Ano an sabi kan mga tawo, siisay daa ako?”

Lukas 9:28

Pakalihis nin mga walong aldaw pakasabi ni Jesus kan mga bagay na ini, ipinag-iba niya si Pedro, si Juan asin si Santiago pasiring sa sarong bukid tanganing mamibi.

Lukas 9:29

Mantang namimibi siya, naliwat an saiyang lalawogon asin nagin nakakasulang puti an gubing niya.

Juan 6:3

Nagtukad si Jesus sa sarong bulod dangan nagtukaw duman kaiba kan saiyang mga disipulo.

Colosas 4:2

Magdanay kamo sa pagpamibi. Magpuka kamo sa pagpamibi na may pasasalamat.

Hebreyo 5:7

Kan nabubuhay pa si Jesus digdi sa kinaban, namibi siya sa makosog na tingog, nagtatangis asin nag-aagrangay sa Dios, na iyo an makakaligtas saiya sa kagadanan. Dinangog siya nin Dios huli ta siya mapakumbaba asin maimbod.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.