Lukas 5:8 - Marahay na Bareta Biblia

⁸ Kan mahiling ni Simon Pedro an nangyaring ini, nagluhod siya sa atubangan ni Jesus asin nagsabi, “Rumayo ka sako, Kagurangnan, huli ta saro akong makasalan!”

Lukas 5:8 Iomraidhean Croise

2 Samuel 6:9

Dangan natakot si David sa Kagurangnan asin nagsabi, “Paano ko na madadara ngunyan an Kaban nin Tipan?”

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

An Libro ni Job 40:4

“Nagtaram ako siring sa sarong lolong, Kagurangnan; ano an ikakasimbag ko saimo? Dai na ako mataram nin ano pa man.

Exodo 20:19

Nagsarabi sinda ki Moises, “Ika an magtaram samo asin madangog kami; alagad dai mo pagpataramon samo an Dios huli ta tibaad magadan kami.”

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Mateo 17:6

Kan madangog ini kan mga disipulo, nagdapa sinda sa takot.

Mateo 2:11

Paglaog ninda sa harong, nahiling ninda an omboy asin si Maria na saiyang ina. Nagluhod sinda saka nagsamba sa omboy. Dangan idinolot ninda saiya an mga dara nindang regalong bulawan, insenso, asin mira.

Mateo 8:8

“Kagurangnan, dai ka na magduman,” an sabi kan opisyal. “Alang-alang ako na lumaog ka sa sakong harong. Alagad magtaram ka sana, asin mararahay an sorogoon ko.

Lukas 5:7

Kaya pinaypay ninda an mga parasira na yaon duman sa sarong sakayan nganing tabangan sinda. Napano nin sira an duwang sakayan na haros malunod.

Lukas 5:9

Nagngalas siya asin an gabos niyang kairiba huli sa kadakul na sira na nadakop ninda;

Juan 11:32

Pag-abot ni Maria duman ki Jesus, nagluhod siya sa pamitisan niya saka nagsabi, “Kagurangnan, kun uya ka digdi, dai kutana nagadan an tugang ko!”

1 Corinto 13:12

An nahihiling ta sa salming ngunyan sarong malabog na ladawan, alagad ngapit mahihiling ta nin hampangan. An naaaraman ko ngunyan kabtang pa sana; alagad ngapit masasabotan ko iyan nin lubos, siring na ako lubos na nasasabotan nin Dios.

Kapahayagan 1:17

Kan mahiling ko siya, garo gadan akong natumba sa pamitisan niya. Alagad dinutaan niya ako kan saiyang toong kamot saka sinabihan ako, “Dai ka matakot! Ako an enot asin an huri;

Hukom 13:22

Sinabihan ni Manoa an saiyang agom, “Magagadan nanggad kita huli ta nahiling ta an Dios!”

1 Samuel 6:20

Kaya nagsarabi an mga taga Bet-semes, “Siisay an makakatindog sa atubangan nin Kagurangnan, ining banal na Dios? Saen ta siya pwedeng ipadara tanganing magin harayo sato?”