Lukas 5:5 - Marahay na Bareta Biblia

⁵ Nagsimbag si Simon, “Kagurangnan, magdamlag na kaming nagpagal alagad mayo kaming nadakop. Alagad sa tataramon mo, iiitsa ko an mga hikot.”

Lukas 5:5 Iomraidhean Croise

Ezekiel 47:10

Magpoon sa Mga Sapa nin Engedi sagkod sa Mga Sapa nin Eneglaim, igwa nin mga parasira na matirindog sa baybayon kan dagat, asin bibikladon ninda an saindang mga hikot. An mga sapang iyan magkakaigwa nin manlaen-laen na klase nin sira, siring kadakul kan mga sira sa Dagat nin Mediteraneo.

Lukas 17:13

asin kuminurahaw, “Jesus, Kagurangnan! Kaheraki man kami!”

Lukas 8:24

Kaya dinolok si Jesus kan mga disipulo asin pinukaw, “Kagurangnan! Kagurangnan! Malulunod na kita!” Nagbangon si Jesus saka sinaway an doros pati an makosog na alon; nagkalma an mga ini asin nagkaigwa nin katoninongan.

Lukas 8:45

Naghapot si Jesus, “Siisay an nagduta sako?” Daing nagtuga ni saro, kaya nagsabi si Pedro, “Kagurangnan, kadakul baga kan mga tawong nagsusurosoan sa palibot mo.”

Lukas 9:33

Kan naghahale na an mga lalaki, nagsabi si Pedro ki Jesus, “Kagurangnan, marahay na uya kita digdi. Tugote kaming maggibo nin tolong payag, saro para saimo, saro para ki Moises, asin saro para ki Elias.” (Alagad dai niya aram an saiyang sinasabi.)

Lukas 9:49

Nagsabi si Juan, “Kagurangnan, nakahiling kami nin lalaki na nagpaluwas nin mga demonyo sa ngaran mo. Sinaway mi siya huli ta bako siya sa pag-iriba ta.”

Juan 15:14

Mga katood ko kamo kun gibohon nindo an mga ipinagboboot ko saindo.

Juan 2:5

Alagad sinabihan kan ina ni Jesus an mga sorogoon, “Giboha nindo an anoman na sabihon niya.”

Juan 21:3

Nagsabi si Simon Pedro sainda, “Maninira ako.” Nagsabi sinda, “Maiba kami saimo.” Kaya naglunad sinda sa sakayan, alagad mayo sindang nadakop sagkod mag-aga.