Lukas 5:21 - Marahay na Bareta Biblia

²¹ Nagsaboot an mga paratukdo kan Katogonan asin an mga Fariseo, “Siisay an tawong ini na naglalanghad sa Dios? Bakong an Dios sana an makakapatawad nin mga kasalan?”

Lukas 5:21 Iomraidhean Croise

Salmo 103:3

Pinapatawad niya an gabos kong kasalan, binobolong niya an gabos kong helang.

Salmo 130:4

Alagad yaon saimo an pagpatawad, tanganing ika samong katakotan.

Salmo 32:5

Dangan nagkumpisal ako kan sakong kasalan saimo; dai ko tinago an mga sala kong gibo. Nagsabi ako, “Ikukumpisal ko an sakong mga kasalan sa Kagurangnan,” asin pinatawad mo an gabos kong kalapasan.

Salmo 35:5

Magin arog logod sinda sa ata na ipinapadpad kan doros, mantang linalamag sinda kan anghel nin Kagurangnan!

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Daniel 9:19

Kagurangnan, dangoga kami. Kagurangnan, patawada kami. Kagurangnan, hinanyoga kami asin paghiro! Maghidali ka, tanganing maaraman kan gabos na ika an Dios! Saimo an syudad asin an banwaan na ini.”

Daniel 9:9

Nasa Kagurangnan an pagkaherak asin pagpatawad huli ta nagtumang kami saiya.

Levitico 24:16

An siisay man na Israelita o dayuhan na nag-eerok sa Israel, na maglanghad sa Kagurangnan, gagadanon kan bilog na komunidad sa paagi nin paggapo.

Mikas 7:19

Maheherakan mo giraray kami. Titimaktimakan mo an samong mga kasalan dangan itatapok mo iyan sa kairaroman kan dagat!

Mateo 26:65

Pakadangog kaini kan Halangkaw na Padi, ginisi niya an sulot niyang gubing asin nagsabi, “An tawong ini naglanghad sa Dios! Dai na kita nangangaipo nin mga saksi! Nadangog nindo ngunyan an saiyang paglanghad!

Mateo 9:3

Nagsaboot an nagkapirang paratukdo kan Katogonan, “An lalaking ini naglalanghad tumang sa Dios!”

Lukas 3:8

Ipahiling nindo sa gibo na kamo nagbakle na. Dai kamo mangahas na mag-isip na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Lukas 5:17

Sarong aldaw, kan si Jesus nagtutukdo, yaon duman an mga Fariseo asin an mga paratukdo kan Katogonan na hale sa mga banwaan nin Galilea asin Judea patin sa Jerusalem. Yaon ki Jesus an kapangyarihan nin Kagurangnan sa pagpaomay kan mga naghehelang.

Lukas 5:22

Aram ni Jesus an nasa isip ninda, kaya sinabihan niya sinda, “Tadaw ta siring an iniisip nindo?

Lukas 7:49

An ibang mga tawong kahampang niya sa pagkakan nagsaboot, “Siisay ini na nakakapatawad maski kan mga kasalan?”

Juan 10:33

Sinimbag ninda si Jesus, “Dai mi ika gagapoon huli sa mga marhay mong gibo, kundi huli ta naglanghad ka sa Dios! Tawo ka sana, alagad nagsasabi kang ika Dios!”

Roma 8:33

Siisay an magsusumbong tumang sa mga pinili nin Dios? An Dios mismo an nagsasabing dai sinda nin kasalan.