Lukas 5:19 - Marahay na Bareta Biblia

¹⁹ Alagad mayo sindang maagihan palaog huli ta kadakul kan tawo. Kaya nagsakat sinda sa atop kan harong, hinuklas ninda an atop dangan an paralitikong nasa higdaan itinunton sa tahaw kan mga tawo, sa atubangan ni Jesus.

Lukas 5:19 Iomraidhean Croise

2 Samuel 11:2

Sarong aldaw, kan madali nang magbanggi, nagbangon si David hale sa saiyang pagkatorog asin nagduman sa atop kan palasyo. Mantang naglalakaw-lakaw siya sa atop, natanaw niya an sarong babaeng nangangarigos. Magayon nin marahay an babae,

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Mateo 10:27

An itinataram ko saindo sa diklom, sabihon nindo sa liwanag; an ihinghing saindo, ikurahaw nindo sa mga atop.

Mateo 24:17

An nasa atop kan saiyang harong dai na dapat magbaba sa pagkua kan saiyang mga kagamitan.

Markos 2:4

Huli sa kadakulan nin tawo, dai ninda ikinarani ki Jesus an paralitiko. Kaya hinaklas ninda an atop sa tangod kan natitindogan ni Jesus saka itinunton ninda an nahihigdaan kan paralitiko.

Deuteronomio 22:8

“Kun magtugdok kamo nin bagong harong, bugtakan nindo nin barandilya an palibot kan atop, tanganing dai kamo pagbasolon kun igwa nin mahulog saka magadan duman.

1 Samuel 9:25

Kan maglugsot na sinda hale sa lugar na pinagsasambahan pasiring sa banwa, inandaman ninda nin higdaan si Saul sa ibabaw kan atop,