Lukas 5:12 - Marahay na Bareta Biblia

¹² Kan si Jesus nasa sarong banwaan, nag-abot an sarong daoton. Pakahiling niya ki Jesus, nagdapa siya sa atubangan ni Jesus dangan nakimaherak, “Kagurangnan, kun boot mo, malilinigan mo ako!”

Lukas 5:12 Iomraidhean Croise

Genesis 18:14

May imposible daw sa Kagurangnan? Siring sa itinaram ko, pakalihis nin siyam na bulan ngunyan, mabalik ako asin si Sara mangangaki nin lalaki.”

1 Mga Hade 18:39

Kan mahiling ini kan mga tawo, nagdarapa sinda saka nagsarabi, “An Kagurangnan iyo an Dios; an Kagurangnan sana an Dios!”

2 Mga Hade 5:1

Si Naaman, an pamayo kan hukbo nin Siria, sarong dakulang lalaki na nawiwilihan kan hade nin Siria, huli ta sa paagi ni Naaman itinao nin Kagurangnan an kapangganahan sa Siria. Saro siyang maisog na soldados, alagad may nakakatakot siyang helang sa kublit.

2 Mga Hade 5:27

Kaya an helang ni Naaman mapapasaimo asin sa saimong mga kapagarakian sagkod pa man!” Kan maghale si Gehazi, igwa na siya kan helang ni Naaman—an saiyang kublit nagin maputi siring sa ambon.

2 Mga Hade 7:3

Apat na lalaking may nakakatakot na helang sa kublit an nasa luwas kan mga trangkahan kan Samaria. Nagsinarabihan sinda, “Tano ta magparaturukaw sana kita digdi sagkod na kita magadan?

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Exodo 4:6

Nagtaram pa an Kagurangnan ki Moises, “Laogan an saimong kamot sa saimong gubing sa may daghan.” Nagsunod si Moises; kan iluwas niya ini, maputi nang marahay huli sa daot.

Levitico 13:16

Alagad kun nagpila na an gatok asin magputi giraray, maduman an tawong iyan sa padi.

Levitico 9:24

Biglang ipinadara nin Kagurangnan an kalayo asin inubos kaini an tinutong na atang saka an mga taba na nasa altar. Kan mahiling ini kan mga tawo, nagkururahaw sinda gabos asin nagdarapa sa daga.

Mateo 26:6

Kan si Jesus nasa Betania, sa harong ni Simon na daoton,

Mateo 9:28

Pakalaog ni Jesus sa harong, nagrani saiya an duwang buta. Hinapot niya sinda, “Minatubod kamo na mararahay ko kamo?” Nagsimbag sinda, “Opo, Kagurangnan!”

Markos 5:23

saka maigot na nakimaherak na an sabi, “An aki kong daragita naghihingagdan. Madya asin dutaan mo siya kan kamot mo tanganing maomayan siya asin mabuhay!”

Lukas 17:16

Nagdapa siya sa atubangan ni Jesus saka nagpasalamat. An tawong ini Samaritano.

Lukas 5:13

Dinutaan siya ni Jesus kan kamot saka sinabihan, “Boot ko; malinigan ka!” Asin nahale tolos an saiyang daot.

Deuteronomio 24:8

“Kun magkahelang kamo nin nakakatakot na helang sa kublit, kaipuhan otobon nindo an hatol kan mga pading Levita; sunodon nindo an mga katukdoan na itinao ko sainda.

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”