Lukas 4:2 - Marahay na Bareta Biblia

² Kwarentang aldaw siya duman asin pinagsogotan siya kan demonyo. Dai siya nagkakan sa bilog na panahon na iyan, kaya nagutom siya nin marahay pakatapos kaiyan.

Lukas 4:2 Iomraidhean Croise

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

1 Mga Hade 19:8

Nagbangon si Elias, nagkakan saka nag-inom, dangan sa kosog na itinao kan pagkakan na idto, naglakaw siya sa laog nin kwarentang aldaw saka kwarentang banggi pasiring sa Sinai, an bukid nin Dios.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Exodo 24:18

Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Jonas 3:7

Nagpaluwas siya nin sarong pagboot sa mga taga Nineve: “Saro ining pagboot hale sa hade asin sa saiyang mga opisyal: Kaipuhan dai nanggad magkakan nin anoman an siisay man; ipinapangalad sa gabos na tawo o hayop, an pagkakan asin an pag-inom.

Mateo 21:18

Pagkaaga, kan pabalik na si Jesus sa syudad, nagutom siya.

Mateo 4:2

Nag-ayuno siya sa laog nin kwarentang aldaw saka kwarentang banggi, asin nagutom siya.

Lukas 4:3

Sinabihan siya kan demonyo, “Kun ika an Aki nin Dios, pagbotan mo an gapong ini na magin tinapay.”

Juan 4:6

Yaon duman an bubon ni Jacob. Huli ta pagal si Jesus sa pagbaklay, nagtukaw siya sa gilid kan bubon. Mag-aalas dose na nin odto.

Deuteronomio 9:18

Dangan nagdapa giraray ako sa atubang nin Kagurangnan sa laog nin kwarentang aldaw asin banggi; dai ako nagkakan o nag-inom nin ano man. Ginibo ko iyan huli ta nagkasala kamo sa Kagurangnan asin pinaanggot nindo siya.

Deuteronomio 9:25

“Kaya nagdapa ako sa atubang nin Kagurangnan sa laog kan kwarentang aldaw asin bangging idto, huli ta boot nanggad niyang tunawon kamo.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.

Hebreyo 2:18

Ngunyan, matatabangan niya an mga pinagsosogotan, huli ta siya mismo pinagsogotan man asin nagtios.

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.

1 Samuel 17:16

Aldaw-bangging inaangat ni Goliat an mga Israelita sa laog nin kwarentang aldaw.