Lukas 4:15 - Marahay na Bareta Biblia

¹⁵ Nagtukdo siya sa saindang mga sinagoga asin inomaw siya kan gabos.

Lukas 4:15 Iomraidhean Croise

Isaias 55:5

Ngunyan aapodon nindo an dayuhan na mga nasyon; dai ninda kamo midbid kaidtong panahon alagad ngunyan magdadalagan na mapasiring sinda saindo nganing makiapil! Ako, an Kagurangnan na saindong Dios, an banal na Dios nin Israel, iyo an magibo nin paagi tanganing mangyari ini; itatao ko saindo an kaomawan asin kamurawayan.”

Mateo 13:54

asin nagpuli sa sadiri niyang banwaan. Nagtukdo siya sa sinagoga; nagngalas an gabos na nakadangog saiya. Naghinarapot-hapotan sinda, “Saen nakakua nin siring na kadonongan an tawong ini? Ano ta nakakagibo siya nin mga milagro?

Mateo 4:23

Naglibot si Jesus sa bilog na Galilea. Nagtukdo siya sa mga sinagoga asin naghulit kan Marahay na Bareta dapit kan Kahadean nin Dios. Binolong niya an gabos na helang asin kamatean kan mga tawo.

Mateo 9:35

Linibot ni Jesus an gabos na banwa asin baryo. Nagtukdo siya sa mga sinagoga, naghulit kan Marahay na Bareta dapit sa Kahadean. Binolong niya an gabos na helang asin kamatean.

Mateo 9:8

Kan mahiling ini kan mga tawo, nagkatarakot sinda asin nag-omaw sa Dios na nagtao nin siring na kapangyarihan sa mga tawo.

Markos 1:27

Nagngalas nin marahay an mga tawo asin nagharapotan sinda, “Ano ini, bagong katukdoan? An tawong ini may kapangyarihan na magboot sa mga maraot na espiritu asin minakuyog sinda saiya!”

Markos 1:39

Kaya linibot ni Jesus an bilog na Galilea. Naghulit siya sa mga sinagoga saka nagpaluwas nin mga demonyo.

Markos 1:45

Alagad ibinuyagyag niya an nangyaring ini saen man na lugar. Kaya dai na si Jesus nakakalaog na hayag sa sarong banwa. Duman na sana siya sa luwas kan banwa; asin duman na sana siya tinutuyo kan mga tawong harale sa manlaen-laen na lugar.

Lukas 13:10

Sarong aldaw na Sabbath, nagtukdo si Jesus sa sarong sinagoga.

Lukas 4:16

Pakatapos, nagduman si Jesus sa Nazaret, an banwaan saen siya nagdakula. Siring sa dating kinaugalean niya, naglaog siya sa sinagoga kan aldaw na Sabbath. Nagtindog siya sa pagbasa kan Kasuratan.