Lukas 3:16 - Marahay na Bareta Biblia

¹⁶ Kaya sinabihan sinda ni Juan, “Nagbubunyag ako saindo sa tubig, alagad may sarong maabot na mabunyag saindo sa Espiritu Santo asin sa kalayo. Mas mapangyari siya ki sa sako, asin dai ako maninigo na magtangkas kan saiyang sandalyas.

Lukas 3:16 Iomraidhean Croise

Mga Talinhaga 1:23

Kun hinanyogon nindo an sakong pagsagwe, itatao ko saindo an marahay na hatol asin ihihiras ko saindo an sakong naaaraman.

Isaias 32:15

Alagad ipapadara giraray nin Dios sato an saiyang espiritu. An kalangtadan magigin sarong matubang na daga, asin an kaomahan mamumunga nin dakul na ani.

Isaias 4:4

Huli kan saiyang kapangyarihan, huhukoman saka lilinigan nin Kagurangnan asin huhugason niya an kasalan nin Jerusalem saka an dugo na pinabulos duman.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Mateo 3:11

Binubunyagan ko kamo sa tubig sa pagpahiling na kamo nagbakle na, alagad an maabot sunod sako mabunyag saindo sa Espiritu Santo asin sa kalayo. Mas mapangyari siya ki sa sako; asin dai ako maninigong magbitbit kan saiyang sandalyas.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”

Juan 1:26

Nagsimbag si Juan, “Nagbubunyag ako sa tubig; alagad yaon saindo an saro na dai nindo midbid.

Juan 1:27

Madigdi siya sunod sako, alagad bako akong maninigo na magtangkas kan sandalyas niya.”

Juan 1:33

Dai ko siya midbid, alagad an Dios na nagsugo sako na magbunyag sa tubig nagsabi sako, ‘An hiligan kan Espiritu Santo asin ontokan kaiyan, iyo an mabunyag sa Espiritu Santo.’

Juan 7:38

Siring sa sinasabi sa kasuratan, ‘Hale sa puso kan nagtutubod sako, mabulos an tubig na nagtatao nin buhay.’”

Mga Gibo 1:5

Si Juan nagbunyag sa tubig, alagad dai na mahahaloy bubunyagan kamo sa Espiritu Santo.”

Mga Gibo 10:44

Mantang nagtataram pa si Pedro, an Espiritu Santo naghilig sa gabos na naghihinanyog kan saiyang mensahe.

Mga Gibo 2:33

Initaas siya sa too nin Dios; inako niya sa Ama an Espiritu Santo na ipinanuga saiya. Hale saiya ini gabos na nahihiling saka nadadangog nindo ngunyan.

1 Corinto 12:13

Siring man kita gabos—Judio o bakong Judio, oripon o bako—binunyagan kita na magin sarong hawak huli kan saro sanang Espiritu. Gabos kita nag-inom kan saro sanang Espiritu.