Lukas 24:44 - Marahay na Bareta Biblia

⁴⁴ Pakatapos, sinabihan niya sinda, “Iyo ini an mga sinabi ko saindo kan kaiba pa nindo ako: dapat maotob an gabos na isinurat dapit sako sa Katogonan ni Moises, sa kasuratan kan mga propeta asin sa mga Salmo.”

Lukas 24:44 Iomraidhean Croise

Genesis 14:18

Si Melkizedek, na hade kan Salem asin padi kan Kahorohalangkaweng Dios, nagdara nin tinapay asin arak ki Abram.

Genesis 22:18

asin sa paagi kan saimong mga kapagarakian, bebendisyonan ko man an gabos na nasyon, huli ta sinunod mo an pagboot ko.”

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

Salmo 118:22

An gapo na isinikwal kan mga paratugdok iyo an nagin patugmadan na gapo.

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

Isaias 52:13

Nagsasabi an Kagurangnan, “Mag-uuswag an sakong sorogoon sa saiyang gibo; ilalangkaw siya asin gagalangan.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 23:5

Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Jeremias 33:14

Nagtaram an Kagurangnan, “Maabot an panahon na ootobon ko an panuga na ginibo ko sa mga taga Israel asin mga taga Juda.

Ezekiel 17:22

Ini an tataramon nin Kagurangnan Dios: “Makua ako nin sarong lumbod na sanga sa alitoktok nin sarong halangkaw na kahoy na sedro; Itatanom ko iyan sa halangkaw na bukid,

Ezekiel 34:23

Tatawan ko sinda nin sarong hade na arog kan sorogoon kong si David, tanganing iyo sana an magpastor asin mag-ataman sainda.

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 7:13

Sa bisyon na ini sa pagkabanggi, nahiling ko an sarong garo tawo. Nagrarani siya sako, napapatos nin panganoron, asin nagduman siya sa danay na buhay, dangan ipinamidbid sa saiya.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Zacarias 14:4

Sa panahon na iyan, matindog siya sa Bukid nin mga Oliba, sa parteng sirangan kan Jerusalem. Dangan mababanga sa duwang kabtang an Bukid nin Oliba, magpoon sa sirangan sagkod sa solnopan huli sa sarong dakulang kapantayan. Mapapaduman sa amihan an kabanga kan bukid, asin sa habagat an kabanga.

Zacarias 6:12

Taraman mo siya na an Kagurangnan nin mga hukbo nagsasabi, ‘An lalaking inaapod An Sanga magtatalubo sa namumugtakan niya asin iyo an mapatindog giraray kan Templo nin Kagurangnan.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mga Bilang 21:8

Tinaraman nin Kagurangnan si Moises, “Gumibo ka nin sarong halas na bronse asin ibugtak mo sa sarong palo; an lambang masingot na humiling kaiyan, maoomayan.”

Mga Bilang 35:25

An nakagadan ililigtas kan komunidad sa kadugo kan nagadan. Ibabalik ninda an nakagadan sa syudad na pinagpailihan niya. Kaipuhan duman siya mag-erok sagkod na buhay pa an Halangkaw na Padi sa panahon na iyan.

Mateo 1:22

Nangyari an gabos na ini tanganing maotob an sinabi nin Kagurangnan sa paagi kan propeta,

Mateo 16:21

Poon kaidto nagpoon nang paliwanagan ni Jesus an mga disipulo na kaipuhan magduman siya sa Jerusalem dangan mag-agi nin makuring pagsakit sa kamot kan mga kamagurangan, kan mga poon na padi, asin kan mga paratukdo kan Katogonan. Sinabihan niya sinda na gagadanon siya alagad sa ikatolong aldaw mabubuhay siya liwat.

Mateo 26:54

Alagad kun gibohon ko iyan, paanong maotob an Kasuratan na nagsasabing iyo ini an dapat mangyari?”

Mateo 26:56

Alagad an gabos na ini nangyari nganing maotob an sinurat kan mga propeta.” Dangan binayaan siya kan gabos na disipulo asin nagdurulag.

Markos 9:31

huli ta pinagtutukdoan niya an saiyang mga disipulo. Sinabihan niya sinda, “An Aki nin Tawo itatao sa mga tawo, dangan gagadanon siya ninda; alagad sa ikatolong aldaw mabubuhay siya liwat.”

Lukas 21:22

Huli ta iyo iyan an ‘Mga Aldaw nin Padusa,’ tanganing maotob an gabos na nasusurat.

Lukas 22:37

Huli ta sinasabihan ko kamo: dapat na maotob sako an sabi sa kasuratan, ‘Ibinilang siya sa mga kriminal.’ Dahel ta an gabos na isinurat dapit sako naootob na.”

Lukas 24:46

An sabi niya, “Iyo ini an nasusurat: an Cristo kaipuhan na magtios, dangan sa ikatolong aldaw mabuhay liwat sa mga gadan;

Lukas 9:22

Nagsabi pa siya, “An Aki nin Tawo kaipuhan mag-agi nin makuring pagsakit. Isisikwal siya kan mga kamagurangan, kan mga poon na padi, asin kan mga paratukdo kan Katogonan. Gagadanon siya alagad mabubuhay liwat sa ikatolong aldaw.”

Lukas 9:44

“Sabota nindo an mga tataramon na ini: itatao sa kamot nin mga tawo an Aki nin Tawo.”

Juan 3:14

Siring na initaas ni Moises an bronseng halas sa sarong palo duman sa kalangtadan, siring man kaipuhan na iitaas an Aki nin Tawo,

Juan 5:39

Pinag-aadalan nindo an mga Kasuratan, huli ta naghohona kamong diyan makukua an buhay na daing kataposan. An mismong mga kasuratan an nagpapatotoo dapit sako!

Juan 5:46

Kun talagang nagtubod kamo ki Moises, nagtubod man kutana kamo sako, huli ta nagsurat siya dapit sako.

Mga Gibo 13:40

Kaya mag-ingat kamo tanganing dai mangyari saindo an sinabi kan mga propeta:

Mga Gibo 2:27

huli ta an sakong kalag dai mo papabayaan sa kinaban kan mga gadan, dai mo itutugot na malapa an hawak kan Banal mong Sorogoon.

Mga Gibo 3:18

Huli sa ginibo nindong ini ki Jesus, naotob an itinaram kaidto nin Dios sa paagi kan mga propeta, na an Cristo kaipuhan magsakit.

Mga Gibo 7:37

Si Moises an nagsabi sa mga Israelita, ‘Masugo an Dios nin sarong propeta na gikan saindo, arog kan pagsugo niya sako.’

Hebreyo 10:1

An Katogonan anino sana kan mga marahay na bagay na maabot, bakong an tunay na bagay. Kaya an Katogonan dai makakapabanal sa mga tawong nagdodolok sa Dios sa paagi kan mga atang na idinodolot taon-taon.

Hebreyo 3:5

Nagin maimbod si Moises sa harong nin Dios bilang sorogoon; nagtaram siya dapit sa mga bagay na ipapahayag nin Dios sa maabot na panahon.

Hebreyo 7:1

Ini si Melkisedek hade kan Salem asin padi kan Kahorohalangkaweng Dios. Kan papuli na si Abraham pakatapos na madaog niya sa ralaban an apat na hade, sinabat siya ni Melkisedek dangan benendisyonan.

Hebreyo 9:8

Kaya maliwanag na itinutukdo sato kan Espiritu Santo na an agihan pasiring sa Kabanal-banaleng Lugar dai pa nabubuksan mantang yaon pa an enot na kabtang kan tolda.

1 Pedro 1:11

Siniyasat ninda kun nuarin asin kun paano mangyayari an mga sakit na titioson ni Cristo dangan an kamurawayan na maabot na ipinaghula kan Espiritu ni Cristo na yaon sainda.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.