Lukas 21:34 - Marahay na Bareta Biblia

³⁴ “Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Lukas 21:34 Iomraidhean Croise

Genesis 19:32

Marahay pang buraton ta an satong ama tanganing madorogan ta siya asin magkaaki kita huli saiya.”

Genesis 19:35

Kaya kan bangging idto, binurat giraray ninda an saindang ama asin an ngohod na man an nagdorog saiya. Siring kan enot na banggi, dai nakaaram si Lot kan nangyari.

Genesis 27:14

Kaya nagsunod si Jacob asin dinara an mga kanding sa saiyang ina. Ilinuto ini kan saiyang ina sa putaheng paborito kan saiyang ama.

Salmo 35:8

Bigla logod na dumatong sainda an karatan, madakop sa siod na saindang tinahoban, mahulog sa kalot na saindang inandam.

Mga Talinhaga 21:4

Pagkamoot sa sadiri asin kapaabaw-abawan—iyo an tanda kan maraot saka iyan kasalan.

Mga Talinhaga 23:20

Dai ka makiiba sa mga paraburat asin sa mga paslo.

Parahulit 9:12

Dai aram kan tawo an saiyang panahon. Siring na an sira nadadakop sa hikot, siring na an gamgam nadadakop sa litag, siring man an tawo nadadakop sa mga maraot na panahon, kun kasuarin dai ninda pinaglalaoman.

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Oseas 4:11

Nagsasabi an Kagurangnan, “An arak, daan man o bago, iyo an naghahale kan pakasabot kan sakong banwaan!

Levitico 10:9

“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Mateo 13:22

An mga banhing nakasabwag sa lugar na matonok garo idtong mga tawo na nagdadangog kan tataramon, alagad an tataramon pinopoot kan mga kahaditan sa buhay na ini asin kan pagkamoot sa kayamanan, kaya dai nagbubunga.

Markos 13:9

“Mag-ingat kamo, huli ta dadakopon kamo saka dadarahon sa husgado. Hahampakon kamo sa mga sinagoga; iaatubang kamo sa mga gobernador saka sa mga hade dahel sako tanganing magpatotoo sa atubang ninda.

Markos 4:19

alagad pinopoot ini kan mga kahaditan sa buhay na ini, pagkamoot sa kayamanan asin kan kamawotan sa manlaen-laen na bagay. Kaya dai nagbubunga.

Lukas 10:41

Alagad sinimbag siya kan Kagurangnan, “Marta, Marta, nasisibot ka asin nahahadit dapit sa dakul na bagay,

Lukas 12:40

Kaya kamo man dapat na magin andam, huli ta an Aki nin Tawo maabot sa oras na dai nindo pinaghohona.”

Lukas 17:3

Kaya mag-ingat kamo! “Kun an tugang mo magkasala saimo, sagweon mo siya; kun magbakle siya, patawada.

Lukas 21:35

huli ta maabot iyan sa gabos na tawo sa bilog na kinaban.

Lukas 21:8

Nagsimbag si Jesus, “Mag-ingat kamo; dai kamo magpadaya. Huli ta dakul an madigdi sa ngaran ko na magsasabi, ‘Ako an Cristo!’ o ‘Nag-abot na an oras!’ Dai kamo magtubod sainda.

Lukas 8:14

An mga banhing nakasabwag sa lugar na matonok garo an mga tawo na minadangog, alagad pinopoot sinda kan mga kahaditan, kayamanan asin kaogmahan sa buhay na ini kaya dai nahihinog an saindang bunga.

1 Corinto 5:11

Kundi an boot kong sabihon, dai kamo makiiba ni makihampang sa pagkakan duman sa mga tugang sa pagtubod alagad marigsok, paslo, nagsasamba sa mga dios-dios, paralibak, paraburat o parahabon.

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

Galacia 5:20

pagsamba sa mga dios-dios, pagtubod sa kulam, pag-iriwal, karibokan, pag-imon, aranggotan, pagkamaimot, pagkabaranga, pag-apil sa partido o grupo;

Deuteronomio 29:19

Aramon nanggad nindo na mayo nin siisay man digdi na pakatapos na madangog an mga tataramon kan tipan na ini, magsaboot na makakaligtas siya maski maglakaw siya sa katagasan kan saiyang puso. An tawong iyan an magigin dahelan kan pagkagadan nin gabos, marahay man o maraot.

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.

2 Pedro 3:14

Kaya mga namomotan, mantang naghahalat kamo kan Aldaw na iyan, hingowahon nindong magin malinig kamo o mayong kaninan sa atubang nin Dios asin namumuhay kamo sa katoninongan.

Kapahayagan 3:3

Kaya giromdoma an itinukdo saimo saka an nadangog mo; kuyoga iyan asin magbakle ka. Kun dai ka magmata, madiyan ako saimo arog sa parahabon, asin dai mo aram an oras kan sakong pag-abot.

1 Samuel 25:36

Nagbalik si Abigail ki Nabal, na nagbabangkete sa saiyang harong, sarong bangkete na maninigo sa sarong hade. Burat na si Nabal asin maogma nin marahay, kaya dai siya inosipan ni Abigail sagkod kan sunod na aldaw.