Lukas 21:25 - Marahay na Bareta Biblia

²⁵ “Magkakaigwa nin mga tanda sa aldaw, sa bulan, asin sa mga bitoon. Sa daga, mawawaran nin paglaom an mga nasyon dahel sa kosog kan hagubohob kan dagat saka darakulang alon.

Lukas 21:25 Iomraidhean Croise

Salmo 46:3

maski maghagubohob asin magsubo an katubigan, asin matanyog an mga bukid huli kan karibokan.

Isaias 13:10

An gabos na bitoon saka planeta mawawaraan nin liwanag, an aldaw magigin madiklom sa saiyang pagsirang, asin dai matao nin liwanag an bulan.

Isaias 17:12

Nagkakariribok an mga mapangyaring nasyon; an ribok ninda arog sa hagubohob kan dagat, arog sa hampak nin dakulang mga alon.

Isaias 24:23

Magdidiklom an bulan, asin dai na maliwanag an aldaw, huli ta an Kagurangnan nin mga hukbo an maghahade sa Jerusalem, sa Bukid nin Sion, asin mahihiling kan mga kamagurangan kan banwaan an saiyang kamurawayan.

Isaias 5:30

Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Isaias 51:15

“Ako an Kagurangnan na saindong Dios, na nagbubukag kan dagat asin nagpapahagubohob kan mga alon. Kagurangnan nin mga hukbo an sakong ngaran!

Jeremias 4:23

Hiniling ko an daga—mayo ini nin porma saka laog; an kalangitan—mayo ini nin ilaw.

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Mikas 7:4

Maski an pinakamarahay saka pinakaonesto sa sainda garo mga tonok na mayo nin halaga. Nag-abot na an aldaw kan pagpadusa nin Dios sa mga tawo, siring kan saiyang ipinatanid sainda sa paagi kan saindang mga parabantay, an mga propeta. Ngunyan, nagkakariribong sinda.

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Mateo 27:45

Pagkaodto, nagdiklom sa bilog na daga sagkod alas tres nin hapon.

Markos 13:24

“Pakalihis kan panahon nin kasakitan, madiklom an aldaw, dai na maliwanag an bulan,

Markos 13:26

Dangan mahihiling nindang maabot an Aki nin Tawo na nasa panganoron, may dakulang kapangyarihan saka kamurawayan.

Markos 15:33

Pagkaodto, nagdiklom sa bilog na daga sagkod alas tres nin hapon.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Lukas 21:26

Madidismayo an mga tawo sa takot sa paghorop-horop kun ano an maabot sa bilog na kinaban, huli ta an mga kapangyarihan sa kalangitan matatanyog.

Mga Gibo 2:19

Magpapahiling ako nin mga ngangalasan sa kalangitan, asin mga tanda sa daga: dugo, kalayo, mahibog na aso;

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.