Lukas 21:18 - Marahay na Bareta Biblia

¹⁸ Alagad maski sarong buhok sa saindong payo dai mawawara.

Lukas 21:18 Iomraidhean Croise

2 Samuel 14:11

Nagsabi an babae, “Pamibian man sa Kagurangnan na saimong Dios, na an sakong kadugo dai na magbalos tanganing an natatada kong aki dai na niya gadanon.” Nagsimbag si David, “Isinusumpa ko sa ngaran kan buhay na Kagurangnan na mayo maski sarong buhok kan aki mong lalaki an matatakdag sa daga.”

Mateo 10:30

Dawa an buhok sa payo nindo, bilang niya.

Lukas 12:7

Dawa an buhok sa payo nindo, bilang niya gabos. Kaya dai kamo matakot! Mas mahalaga kamo ki sa dakul na dignos!

Lukas 21:17

Ikakaongis kamo kan gabos na tawo dahel sako.

Mga Gibo 27:34

Kaya magkakan kamo; kaipuhan nindo iyan nganing kumosog kamo, huli ta mayong mapapahamak saindo.”

1 Samuel 14:45

Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.

1 Samuel 25:29

Kun igwang magsalakay saimo asin magmawot na gadanon ka, an Kagurangnan na saimong Dios an maataman saimo, arog kan pag-ataman nin sarong tawo sa sarong mahalagang bagay. Alagad saiyang itatapok an saimong mga kaiwal, siring sa mga gapo na ilinalagpitaw nin sarong tawo.