Lukas 2:9 - Marahay na Bareta Biblia

⁹ Bigla sanang may nagpahiling saindang anghel nin Kagurangnan na nakapaliwanag nin marahay kan lugar na idto. Natakot sinda nin makuri.

Lukas 2:9 Iomraidhean Croise

1 Mga Hade 8:11

kaya an mga padi dai nakatagal sa paglingkod sa laog kan Templo. Napano an Templo kan kamurawayan nin Kagurangnan.

Exodo 16:10

Kan nagtataram si Aaron sa komunidad nin mga Israelita, sinda gabos nagkiriling sa kalangtadan asin bigla nindang nahiling sa panganoron an kamurawayan nin Kagurangnan.

Exodo 16:7

Sa aga mahihiling nindo an kamurawayan nin Kagurangnan bilang kasimbagan niya sa saindong mga reklamo saiya; huli ta siisay man baya kami na pagreklamohan nindo?”

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 60:1

Tindog, Jerusalem, asin pagliwanag siring sa aldaw! Nagliliwanag sa saimo an kamurawayan nin Kagurangnan!

Ezekiel 3:23

Kaya nagduman ako sa kapantayan, asin nahiling ko duman an kamurawayan nin Kagurangnan siring kan pakahiling ko kaiyan sa tampi kan Salog nin Kebar. Nagdapa ako sa daga,

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Lukas 1:28

Nagdolok ki Maria an anghel dangan nagsabi, “An katoninongan mapasaimo, paladan na babae! An Kagurangnan yaon saimo!”

Lukas 2:8

Harani sa lugar na idto, igwa nin mga pastor sa kaomahan na nagpapaaga sa pagbantay kan saindang mga karnero.

Lukas 24:4

Nalilibong pa sinda huli kan nangyari, kan biglang magtunga sa kataed ninda an duwang lalaki na nakagubing nin puti na nagkikintab.

Juan 12:41

Sinabi ini ni Isaias huli ta nahiling niya an kamurawayan ni Jesus, kaya nagtaram siya dapit saiya.

Mga Gibo 12:7

Bigla sanang nagtunga an sarong anghel nin Kagurangnan, dangan nagliwanag sa laog kan bilanggoan. Yinogyog kan anghel si Pedro sa abaga saka sinabihan, “Dali! Magbangon ka!” Natangkas an mga kadena sa mga kamot ni Pedro.

Mga Gibo 27:23

Huli ta kasubanggi may nagpahiling sakong sarong anghel na sinugo nin Dios na sinasamba ko asin pinaglilingkodan.

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Hebreyo 12:21

Makatatakot an saindang natatanaw, mala ta si Moises nagsabi, “Tinatakigan ako sa takot.”

Kapahayagan 18:1

Pakatapos kaini, nakahiling naman ako nin sarong anghel na naghihilig hale sa langit. Dakula an saiyang kapangyarihan, asin an bilog na kinaban naliwanagan kan saiyang kamurawayan.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.