Lukas 2:7 - Marahay na Bareta Biblia

⁷ Nangaki siya kan saiyang panganay na lalaki. Pinatos niya nin lampin an omboy saka hinulid sa sarong bahugan, huli ta mayo na nin lugar para sainda sa harong na sakatan.

Lukas 2:7 Iomraidhean Croise

Genesis 42:27

Sa lugar na pinagpahingaloan ninda, binukasan kan saro sa sainda an saiyang sako tanganing pakakanon an saiyang asno, asin nahiling niya an saiyang kwarta sa ibabaw kan mais.

Genesis 43:21

Kan magkampo kami sa dalan sa samong pagpuli, binukasan mi an samong mga sako dangan nakua kan lambang saro samo an saiyang kwarta sa ibabaw kan mais. Dinara mi giraray an kwarta tanganing ikaoli,

Salmo 22:6

Alagad ako sarong ulod asin bako nang tawo; hinaboan, nginisihan kan mga tawo!

Exodo 4:24

Sa sarong lugar na pahingaloan sa dalan pasiring sa Egipto, sinabat nin Kagurangnan si Moises huli ta boot niya ining gadanon.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Mateo 1:25

Alagad dai nagdorog si Jose ki Maria sagkod na ikapangaki kaini an sarong aking lalaki na nginaranan niyang Jesus.

Mateo 13:55

Bakong iyo ini an aki kan panday? Bakong si Maria an saiyang ina? Bakong tugang siya ni Santiago, ni Jose, ni Simon asin ni Judas?

Mateo 8:20

Sinabihan siya ni Jesus, “An mga amid may mga kalot asin an mga gamgam may mga salagan, alagad an Aki nin Tawo mayo nin mahihigdaan.”

Lukas 10:34

Dinolok niya ini, an mga lugad hinugasan nin lana saka arak dangan binugkos. Pakatapos, ilinunad niya an lalaki sa hayop niyang pinaglulunadan saka dinara sa sarong harong na sakatan asin duman niya inataman.

Lukas 2:6

asin mantang yaon sinda duman, uminabot an panahon kan pag-aki ni Maria.

Lukas 2:8

Harani sa lugar na idto, igwa nin mga pastor sa kaomahan na nagpapaaga sa pagbantay kan saindang mga karnero.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

2 Corinto 8:9

Aram nindo an biyaya ni Jesu-Cristo na satong Kagurangnan: maski siya mayaman, nagpakadukha siya dahel saindo, tanganing magin mayaman kamo sa saiyang kadukhaan.

Galacia 4:4

Alagad kan umabot na an tamang panahon, sinugo nin Dios an sadiri niyang Aki, ipinangaki nin sarong babae dangan nabuhay sa irarom kan Katogonan kan mga Judio.