Lukas 2:46 - Marahay na Bareta Biblia

⁴⁶ Kan ikatolong aldaw, nakua ninda siya sa laog kan Templo, nagtutukaw kaiba kan mga paratukdo. Naghihinanyog siya saka naghahapot sainda.

Lukas 2:46 Iomraidhean Croise

1 Mga Hade 12:12

Pakalihis nin tolong aldaw, si Jeroboam asin an gabos na tawo nagbalik ki Hadeng Rehoboam siring kan sinabi sainda kaini.

1 Mga Hade 12:5

Nagsimbag si Rehoboam, “Magbalik kamo pakalihis nin tolong aldaw asin itatao ko saindo an sakong simbag.” Kaya nagharale an mga tawo.

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Mateo 12:40

Siring na si Jonas tolong aldaw asin tolong banggi sa tulak nin balyena, siring man an Aki nin Tawo tolong aldaw asin tolong banggi sa irarom kan daga.

Mateo 16:21

Poon kaidto nagpoon nang paliwanagan ni Jesus an mga disipulo na kaipuhan magduman siya sa Jerusalem dangan mag-agi nin makuring pagsakit sa kamot kan mga kamagurangan, kan mga poon na padi, asin kan mga paratukdo kan Katogonan. Sinabihan niya sinda na gagadanon siya alagad sa ikatolong aldaw mabubuhay siya liwat.

Lukas 2:47

An gabos na nakadangog saiya nagngalas kan saiyang pakasabot asin mga simbag.

Lukas 5:17

Sarong aldaw, kan si Jesus nagtutukdo, yaon duman an mga Fariseo asin an mga paratukdo kan Katogonan na hale sa mga banwaan nin Galilea asin Judea patin sa Jerusalem. Yaon ki Jesus an kapangyarihan nin Kagurangnan sa pagpaomay kan mga naghehelang.

Juan 3:10

Nagsimbag si Jesus, “Saro kang bantog na maestro sa Israel. Ano ta dai mo ini nasasabotan?

Mga Gibo 5:34

Alagad nagtindog an saro sainda, si Gamaliel na sarong Fariseo saka paratukdo kan Katogonan na ginagalangan kan mga tawo. Nagboot siya na iluwas ngona an mga apostol,

1 Timoteo 1:7

Boot nindang magin paratukdo kan katogonan nin Dios, alagad dai ninda nasasabotan an sainda mismong itinataram o an mga bagay na itinutukdo ninda.