Lukas 2:41 - Marahay na Bareta Biblia

⁴¹ Taon-taon, minaduman sa Jerusalem an mga magurang ni Jesus para sa Pyesta nin Paskwa.

Lukas 2:41 Iomraidhean Croise

Exodo 12:11

Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 34:23

“Tolong beses sa sarong taon, an gabos na lalaking Israelita maatubang sako, sa Kagurangnan Dios, an Dios nin Israel.

Levitico 23:5

“An Paskwa, na ginigibo sa pag-omaw sa Kagurangnan, minapoon sa banggi kan ikakatorseng aldaw kan enot na bulan.

Mga Bilang 28:16

Selebraron nindo an Paskwa nin Kagurangnan sa ikakatorseng aldaw kan enot na bulan.

Lukas 2:42

Kan doseng taon na si Jesus, nagduman sinda siring sa dating ginigibo ninda.

Juan 11:55

Harani na an Pyesta nin Paskwa. Dakul na tawo hale sa manlaen-laen na banwaan an nagduman sa Jerusalem bago magpaskwa, nganing mag-otob kan rito nin paglinig.

Juan 13:1

Bisperas na kan Pyesta nin Paskwa. Aram ni Jesus na nag-abot na an oras na mahale siya digdi sa kinaban tanganing magbalik sa Ama. Namomotan niyang danay an saiyang mga pinili na uya sa kinaban; namotan niya sinda sagkod sa kataposan.

Juan 2:13

Madali na an Pyesta nin Paskwa, kaya nagduman si Jesus sa Jerusalem.

Juan 6:4

An Pyesta nin Paskwa harani na kaidto.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 16:16

“Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

1 Samuel 1:21

Nag-abot giraray an panahon na kaipuhan magduman sa Shilo si Elkana saka an saiyang pamilya tanganing magdolot sa Kagurangnan kan taon-taon na atang asin mag-otob kan saiyang panuga.

1 Samuel 1:3

Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.