Lukas 2:4 - Marahay na Bareta Biblia

⁴ Hale sa banwaan nin Nazaret sa Galilea, nagpuli si Jose sa banwaan nin Betlehem sa Judea, banwaan na namundagan ni Hadeng David. Sa Betlehem siya mapasenso huli ta gikan siya sa kapagarakian ni David.

Lukas 2:4 Iomraidhean Croise

Genesis 35:19

Nagadan si Rachel asin ilinubong sa may dalan pasiring sa Efrat (na ngunyan inaapod Betlehem).

Genesis 48:7

Ginigibo ko ini huli ki Rachel na saimong ina. Kan maghale ako sa Mesopotamia, nagadan si Rachel duman sa daga nin Canaan harani sa Efrat. Ipinagmondo ko nin marahay an saiyang kagadanan. Duman ko siya ilinubong sa tampi kan dalan pasiring sa Efrat.” (An lugar na ini midbid ngunyan sa ngaran na Betlehem.)

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Mateo 2:23

Nag-erok siya sa banwa na inaapod Nazaret. Nangyari ini tanganing maotob an sinabi kan mga propeta, “Aapodon siyang Nazareno.”

Lukas 2:3

Kaya nagpuruli an mga tawo sa sadiri nindang banwaan nganing magpasenso.

Lukas 2:5

Kaiba niya sa pagpasenso si Maria na ikakasal saiya. Bados si Maria,

Lukas 4:16

Pakatapos, nagduman si Jesus sa Nazaret, an banwaan saen siya nagdakula. Siring sa dating kinaugalean niya, naglaog siya sa sinagoga kan aldaw na Sabbath. Nagtindog siya sa pagbasa kan Kasuratan.

Juan 1:46

Nagsabi si Natanael, “May marahay man daw na magikan sa Nazaret?” Nagsimbag si Felipe, “Madya nganing mahiling mo.”

Juan 7:42

Bakong sinabi sa kasuratan na an Cristo magikan sa kapagarakian ni David, mamumundag sa Betlehem na banwaan ni David?”

Ruth 1:19

Kaya nagpadagos sa paglakaw an duwa sagkod na nakaabot sinda sa Betlehem. Pag-abot ninda duman, napangalas an bilog na banwaan asin nagsarabi an kababaehan, “Si Naomi kaya iyan?”

Ruth 2:4

Dangan pakalihis nin nagkapirang oras, nag-abot si Boaz hale sa Betlehem. “Mapasaindo an Kagurangnan,” an sabi niya sa mga paraani. “Bendisyonan ka logod nin Kagurangnan,” an simbag ninda.

Ruth 4:11

Nagsabi an mga lider asin an gabos na yaon duman, “Mga saksi kami. Gibohon logod nin Kagurangnan na an saimong agom magin arog ki Rachel saka ki Lea, na nagtao nin dakul na aki ki Jacob. Yumaman ka logod sa kamaganakan ni Efrat asin magin bantog sa Betlehem.

Ruth 4:17

Nagsarabi an mga babaeng kanatad, “Sarong aking lalaki an namundag ki Naomi!” An aki nginaranan nindang Obed. Si Obed an nagin ama ni Jesse na ama ni David.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”

1 Samuel 17:12

Si David iyo an aking lalaki ni Jesse na sarong Efratita na taga Betlehem sa Juda. Walo an aking lalaki ni Jesse, asin kan panahon nin paghade ni Saul, gurang na nin marahay si Jesse.

1 Samuel 17:58

Hinapot siya ni Saul, “Hoben, kiisay kang aki?” “Aki ako kan saimong oripon na si Jesse na taga Betlehem,” an simbag ni David.

1 Samuel 20:6

Kun hanapon ako kan saimong ama, sabihan mo siyang nakimaherak ako saimong tugotan na makapuli sa Betlehem, huli ta igwa duman nin taonan na sakripisyo para sa sakong pamilya.