Lukas 19:44 - Marahay na Bareta Biblia

⁴⁴ Roronoton ka ninda sagkod an saimong mga aki; mayo sindang itatadang gapo na nakapatong sa kapwa gapo, huli ta dai mo minidbid an panahon kan pagdalaw nin Dios saimo!”

Lukas 19:44 Iomraidhean Croise

Salmo 137:9

Paladan an makua kan saimong mga omboy, asin maronot sainda sa gapo!

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 29:3

Sasalakayon nin Dios an syudad, papalibotan iyan asin papalibotan nin mga tore.

Jeremias 11:23

Nagtalaan na ako nin panahon para sa pagpadara kan kasakitan sa mga taga Anatot, asin kun mag-abot na an panahon na iyan, mayo nin matatada sainda.”

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Daniel 9:26

Pakatapos kan panahon na ini, mayong katanosan na gagadanon an pamayong pinili nin Dios. Gagabaon kan mapangyaring pamayo kan masalakay na hukbo an syudad saka an Templo. Maabot an kataposan siring sa sarong baha, na magdadara kan gera saka pagkagaba na inandam nin Dios.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Mateo 24:2

Sinabihan sinda ni Jesus, “Nahihiling nindo an gabos na iyan? Sa katotoohan sinasabihan ko kamo, mayo diyan nin matatada ni sarong gapo sa ibabaw nin saro pang gapo; an gabos marurumpag.”

Markos 13:2

Nagsimbag si Jesus, “Nahihiling mo ining mga dakulang edipisyo? Mayo diyan nin matatada na sarong gapo na nakapatong sa saro man na gapo; gabos iyan marurumpag.”

Lukas 1:68

“Omawon an Kagurangnan, an Dios nin Israel! Huli ta dinalaw niya asin ilinigtas an saiyang banwaan.

Lukas 1:78

Huli sa pagkaherak nin satuyang Dios, papabanaagon niya sato hale sa itaas an aldaw nin kaligtasan,

Lukas 19:42

An sabi niya, “Kun aram mo pa sana sa aldaw na ini an mga kaipuhan para sa katoninongan! Alagad dai mo iyan nahihiling ngunyan!

Lukas 21:6

“Maabot an panahon na mayo diyan nin matatada ni sarong gapo sa ibabaw nin saro pang gapo; an gabos marurumpag.”

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.