Lukas 19:28 - Marahay na Bareta Biblia

²⁸ Pakatapos niyang magtaram kaini, nag-enot si Jesus sa pagtukad sa Jerusalem.

Lukas 19:28 Iomraidhean Croise

Lukas 9:51

Kan madali na an panahon nin pagsakat ki Jesus sa langit, nag-isip siyang magduman sa Jerusalem.

1 Pedro 4:1

Siring na si Cristo nagtios sa hawak, dapat na andam man kamong magtios, huli ta an siisay man na nagtitios sa hawak, nagbaya na sa kasalan.

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.

Lukas 18:31

Isiniblag ni Jesus an Dose dangan sinabihan, “Uya, nagtutukad na kita pasiring sa Jerusalem; duman maootob an gabos na isinurat kan mga propeta dapit sa Aki nin Tawo.

Lukas 12:50

Igwa akong bunyag na aakoon, asin napupurisaw ako sagkod na dai iyan maotob!

Juan 18:11

Sinabihan ni Jesus si Pedro, “Sarongan an espada mo! Dai ko daw iinomon an kalis na itinao sako kan Ama?”

Lukas 10:30

Nagsimbag si Jesus, “Sarong lalaki an naglulugsot hale sa Jerusalem pasiring sa Jerico. Hinipaan siya nin mga parahabon, hinubaan saka kinulogan dangan binayaan na haros gadan.