Lukas 18:13 - Marahay na Bareta Biblia

¹³ Alagad an parasingil nin buhis na nakatindog sa harayo, dai nangangahas magtangad sa langit, kundi tinutumbok an saiyang daghan asin nagsasabi, ‘O Dios ko, kaheraki man ako na sarong parakasala!’

Lukas 18:13 Iomraidhean Croise

2 Samuel 12:13

Nagsabi si David, “Nagkasala ako sa Kagurangnan.” “Pinapatawad ka nin Kagurangnan; dai ka magagadan,” an simbag ni Natan.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

Esdras 9:6

Nagsabi ako, “O Dios, nasosopog ako na iitaas an sakong lalawogon sa atubangan mo, huli ta mas halangkaw an samong mga kasalan ki sa samong mga payo, asin an samong karatan nakakaabot sagkod sa kalangitan.

An Libro ni Job 42:6

Kaya nasosopog ako huli kan gabos kong sinabi asin nagsosolsol ako sa alpog saka sa abo.”

Salmo 106:6

Nagkasala kami arog kan samong mga ginikanan; nagsombikal kami, guminibo nin karatan.

Salmo 119:41

Pahilingan sako an danay mong pagkamoot, Kagurangnan, asin ligtasan ako sosog sa saimong panuga.

Salmo 130:7

O Israel, maglaom ka sa Kagurangnan! Huli ta nasa saiya an danay na pagkamoot, asin an kapanoan nin kaligtasan.

Salmo 25:11

Huli kan saimong ngaran, O Kagurangnan, patawada ako ta makuring gayo an sakong kasalan.

Salmo 25:7

Lingawe an sakong mga kasalan kan ako aki pa; huli kan danay mong pagkamoot asin pagkamarahayon, Kagurangnan, ako saimong giromdomon.

Salmo 40:12

Napapalibotan ako nin dai mabilang na karatan. Inabot na ako kan sakong mga kasalan, asin dai na ako nakakamaan. Mas dakul sinda ki sa buhok kan sakong payo, kaya pinanluluya an sakong puso.

Salmo 41:4

Nagsabi ako, “Kagurangnan, maherak ka sako; bolonga ako, huli ta nagkasala ako saimo!”

Exodo 33:10

Sa oras na mahiling kan mga tawo na an hariging panganoron nasa may pintoan na kan toldang pinagtatagboan, minaduruko sinda gabos sa pagsamba.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Mateo 10:3

si Felipe saka si Bartolome; si Tomas saka si Mateo na parasingil nin buhis; si Santiago na aki ni Alfeo; si Tadeo;

Mateo 6:5

“Kun namimibi kamo, dai nindo pag-arogon an mga parasagin-sagin! Boot nindang mamibi na nakatindog sa mga sinagoga asin sa mga kanto kan mga tinampo tanganing mahiling kan mga tawo. Sa katotoohan sinasabihan ko kamo, inako na ninda an balos.

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

Markos 11:25

Kun namimibi kamo alagad igwa kamo nin maraot na boot sa kapwa nindo, patawadon nindo tanganing patawadon man kamo kan saindong Ama na nasa langit kan mga kasalan nindo.

Lukas 17:12

Palaog na siya sa sarong baryo kan sabaton siya nin sampolong daoton. Nagtindog sinda sa harayo,

Lukas 22:41

Dangan nag-oroenotan siya sainda na may sarong daklag nin gapo an distansya, asin nagluhod saka namibi.

Lukas 23:48

An mga tawo na nagtiripon sa paghiling kaini, kan mahiling an nangyari, nagpuli na nagtutumbok kan saindang daghan.

Lukas 5:8

Kan mahiling ni Simon Pedro an nangyaring ini, nagluhod siya sa atubangan ni Jesus asin nagsabi, “Rumayo ka sako, Kagurangnan, huli ta saro akong makasalan!”

Mga Gibo 2:37

Kan madangog ini kan mga tawo, napurisaw sinda nin marahay, kaya hinapot ninda si Pedro saka an ibang mga apostol, “Mga tugang, ano an dapat ming gibohon?”

Roma 5:8

Alagad ipinahiling nin Dios an saiyang dakulang pagkamoot sato kan si Jesus nagadan para sato kan kita mga parakasala pa!

2 Corinto 7:11

Hilinga kun ano an nagin bunga kan kamondoan na hale sa Dios: nagin kamong mahigos saka maigot sa pagpatotoo na mayo kamo nin sala. Naanggot kamo, nahandal, nagmawot, naghinigos asin naghingowa na mapadusahan an nagkasala. Kaya ipinahiling nindo na mayo kamo nin sala sa bagay na ini.

1 Timoteo 1:15

An kasabihan na ini totoo asin dapat akoon saka tubodon nanggad: na nagdigdi si Cristo Jesus sa kinaban tanganing iligtas an mga parakasala. Ako an pinakamaraot sainda,

Hebreyo 4:16

Kaya pakosogon ta an satong boot na magdolok sa trono nin biyaya, tanganing makamtan ta an pagkaherak asin makua ta an biyaya sa panahon nin pangangaipo.

Hebreyo 8:12

Papatawadon ko an saindang mga kasalan; lilingawan ko an saindang mga karatan.”