Lukas 17:8 - Marahay na Bareta Biblia

⁸ Dai nanggad! Kundi, ini an sasabihon nindo saiya, ‘Andama an sakong pamanggihan, dangan magsangle ka asin maglingkod sako mantang nagkakakan ako. Pakatapos ko, pwede ka nang magkakan.’

Lukas 17:8 Iomraidhean Croise

Genesis 43:16

Kan mahiling ni Jose si Benjamin na kaibahan ninda, sinabihan niya an oripon na namamahala kan saiyang harong, “Ipag-iba mo an mga lalaking ini sa sakong harong. Kaiba ko sindang makakan ngunyan na odto, kaya magbuno ka nin hayop asin andamon mo.”

2 Samuel 12:20

Dangan nagtindog si David, nagkarigos, nagsukray saka nagsangle kan saiyang gubing. Pakatapos, naglaog siya sa Tabernakulo asin nagsamba. Pagbalik niya sa palasyo, naghagad siya nin pagkakan dangan nagkakan.

Lukas 12:37

Paladan an mga sorogoon na maabotan kan saindang kagurangnan na bakong torog! Sa katotoohan sinasabihan ko kamo, maandam an kagurangnan nin kakanon, papatukawon sinda saka paglilingkodan.

Lukas 17:7

“Halimbawa igwa kamo nin sorogoon na nag-aarado o nagaataman nin mga karnero. Pag-abot niya hale sa oma, aalokon daw nindo siyang magkakan?

Lukas 17:9

Pinapasalamatan daw an sorogoon huli ta kinuyog niya an ipinagboot saiya? Dai!

Juan 13:4

Mantang namamanggi sinda, nagtindog si Jesus, naghuba kan pang-ibabaw niyang gubing saka naghagkos nin twalya.