Lukas 16:9 - Marahay na Bareta Biblia

⁹ Nagpadagos si Jesus sa pagtaram, “Kaya sinasabihan ko kamo, gamiton nindo an mga kayamanan sa kinaban na ini nganing makakua kamo nin mga katood. Maubos man iyan, may mapadagos pa saindo sa erokan na mayong kataposan.

Lukas 16:9 Iomraidhean Croise

Salmo 73:26

Pwedeng panluyahon an sakong isip asin hawak, alagad an Dios iyo an sakong kosog; siya sana an kaipuhan ko sagkod lamang.

Mga Talinhaga 14:24

An korona kan madonong iyo an saindang kadonongan, alagad an kulintas kan lolong iyo an saindang kalolongan.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 23:5

Pwedeng bigla sanang mawara an saimong kwarta, na garo nagkaigwa ini nin mga pakpak saka luminayog paharayo arog kan agila.

Parahulit 11:1

Magnegosyo ka sa ibang nasyon, asin maabot an aldaw na makakaganansya ka.

Isaias 57:16

Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Mateo 19:21

Sinabihan siya ni Jesus, “Kun boot mong magin matanos, lakaw, ipabakal mo an anoman na rogaring mo, asin an kabaklan ipanao mo sa mga dukha, dangan magkakaigwa ka nin kayamanan sa langit; pakatapos, magbalik ka asin sumunod sako.”

Mateo 6:19

“Dai kamo magtipon nin kayamanan para saindo digdi sa daga, saen igwa nin bokbok asin takla na nangraraot, saka igwa nin mga parahabon.

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

Lukas 12:33

Pabakalan nindo an saindong mga rogaring asin an kabaklan kaiyan ilimos nindo sa mga dukha. Magtagama kamo nin mga pitaka na dai nagdadaan. Magtipon kamo nin kayamanan sa langit, ta duman dai nanggad iyan maiinaan, huli ta mayong parahabon na makakaduman, asin mayong bokbok na makakaraot kaiyan.

Lukas 14:14

Bebendisyonan ka, huli ta dai sinda makakabalos saimo. Babalosan ka nin Dios sa pagkabuhay liwat kan mga matanos.”

Lukas 16:11

Kaya kun dai kamo mapapaniwalaan kan kayamanan sa kinaban na ini, siisay an mapaniwala saindo kan tunay na kayamanan?

Lukas 16:13

“Mayong sorogoon na makakapaglingkod sa duwang kagurangnan, huli ta ikakaongis niya an saro asin mamomotan niya an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios saka sa kayamanan.”

Lukas 16:4

Aram ko na an gigibohon ko tanganing kun mayo na ako nin trabaho, akoon ako kan sakong mga katood sa saindang harong!’

Mga Gibo 10:31

na nagsabi, ‘Cornelio! Dinangog nin Dios an saimong pamibi; ikinaogma niya an mga paglimos mo.

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.

2 Corinto 4:17

Ining dikit asin dai nagdadanay na kasakitan na tinitios mi matao samo nin dakula saka mayong kataposan na kaogmahan na dai mapapantayan.

Judas 1:21

saka magdanay sa pagkamoot nin Dios, mantang naghahalat ki Jesu-Cristo na satong Kagurangnan, na sa saiyang pagkaherak, matao saindo kan buhay na daing kataposan.