Lukas 16:3 - Marahay na Bareta Biblia

³ Nagsaboot an enkargado, ‘Hahaleon na ako sa trabaho kan sakong kagurangnan. Ano na an gigibohon ko? Maluya akong magtrabaho sa daga asin nasosopog akong makilimos.

Lukas 16:3 Iomraidhean Croise

Esther 6:6

Kaya naglaog si Haman, dangan naghapot an hade saiya, “Ano an dapat gibohon sa sarong tawo na nawiwilihan kong omawon?” Nagsaboot si Haman, “Siisay pa an boot omawon kan hade kundi ako?”

Mga Talinhaga 13:4

Maski ano an mawoton kan hugakon, dai niya iyan makakamtan. Nakakamtan kan mahigos an saiyang kamawotan.

Mga Talinhaga 15:19

An dalan kan hugakon pano nin mga tonok, alagad an tinampo kan matanos mahiwas asin patag.

Mga Talinhaga 18:9

An tawong hugakon tugang kan tawong pararaot.

Mga Talinhaga 19:15

An hugakon minapakatorog sa tawo nin haloy, asin an tawong hugakon mayo nin kakakanon.

Mga Talinhaga 20:4

An sarong paraoma na habong mag-arado sa tamang panahon mayo nin aanihon.

Mga Talinhaga 29:21

Kun magpoon sa pagkaaki itao mo sa saimong sorogoon an gabos niyang magustohan, maabot an panahon na mapapasaiya an gabos mong nasasadirihan.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Oseas 9:5

Pag-abot kan mga itinalaan na pyesta sa pag-omaw sa Kagurangnan, ano an saindang gigibohon?

Mateo 20:8

“Pagkabanggi, sinabihan kan kagsadiri an enkargado niya, ‘Apoda an mga trabahador asin bayade sinda kan saindang tandan. Enoton mo an mga nahuri, saka ipahudyan mo an mga naenot.’

Markos 10:46

Nag-abot si Jesus sa Jerico kaiba an mga disipulo niya asin an dakul na tawo. Kan naghahale na sinda duman, naagihan ninda an sarong makilimos na buta na nagtutukaw sa gilid kan dalan; siya si Bartimeo na aki ni Timeo.

Lukas 12:17

Nagsaboot siya, ‘Mayo na ako nin lugar na masasarayan kan gabos kong inani. Ano daw an dapat kong gibohon?

Lukas 16:2

Kaya ipinaapod niya saka tinaraman, ‘Ano ining nadadangog ko manongod saimo? Tawe ako nin kwenta kan palakaw mo sa pagsadiri ko huli ta dai ka na pwedeng mamahala kaiyan.’

Lukas 16:20

May saro man na dukha na an ngaran Lazaro; pano nin lugad an hawak niya. Danay siyang nakatukaw sa may pintoan kan mayaman,

Lukas 16:22

Nagadan an dukha asin dinara siya kan mga anghel sa kataed ni Abraham. Nagadan man an mayaman saka ilinubong.

Lukas 16:4

Aram ko na an gigibohon ko tanganing kun mayo na ako nin trabaho, akoon ako kan sakong mga katood sa saindang harong!’

Lukas 18:4

Haloy nang nagparasayuma an hukom, alagad sa kahuri-hurihi nagsaboot siya, ‘Dawa dai ako natatakot sa Dios, saka mayong ginagalangan na siisay man na tawo,

Juan 9:8

An mga kataraed niya saka an mga nakahiling saiya kaidto na nakikilimos nagharapotan, “Bakong iyo ini an buta na dating nakikilimos?”

Mga Gibo 3:2

Duman sa pinag-aapod na “Magayon na Trangkahan,” igwa nin sarong lalaking lupog poon pagkamundag niya. Aroaldaw dinadara siya sa trangkahan, tanganing makilimos sa mga tawong naglalaog sa Templo.

Mga Gibo 9:6

Tumindog ka, magduman ka sa syudad, asin sasabihan ka duman kan dapat mong gibohon.”

2 Tesalonica 3:11

Sinasabi mi ini huli ta nadangog mi na may mga hugakon diyan saindo na mayong ginigibo kundi makiaram sa buhay nin iba.