Lukas 15:6 - Marahay na Bareta Biblia

⁶ Pag-abot niya sa harong, inaapod niya an saiyang mga katood saka mga kataed asin sinasabihan, ‘Mag-ogma kita, huli ta nakua ko na an karnerong nawara!’

Lukas 15:6 Iomraidhean Croise

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Lukas 1:58

Nabaretaan kan saiyang mga kataed asin mga kadugo an dakulang balaog na iwinaras saiya nin Kagurangnan asin nag-ogma sinda sa kaibahan niya.

Lukas 15:10

Siring man sinasabihan ko kamo, na an mga anghel nin Dios nag-oogma huli sa sarong parakasala na nagsosolsol.”

Lukas 15:24

Huli ta an aki kong ini gadan na, alagad ngunyan nabuhay liwat; nawara, alagad nakua na.’ Kaya nagpoon sindang mag-orogma.

Lukas 15:5

Kun makua na, maogmang ibinubugtak niya iyan sa saiyang abaga.

Lukas 15:7

Siring man sinasabihan ko kamo, orog pa an magigin kaogmahan sa langit huli sa sarong parakasala na nagsolsol, ki sa nobenta y nwebeng matanos na dai nangangaipong magsolsol.

Juan 15:14

Mga katood ko kamo kun gibohon nindo an mga ipinagboboot ko saindo.

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Mga Gibo 15:3

Dinespedir sinda kan simbahan; sa pag-agi ninda sa Fenecia asin sa Samaria, ibinareta ninda duman an kombersyon sa Dios kan mga pagano. Nakapaogma ini nin marahay sa gabos na tugang.

Filipos 1:4

Kun ipinapamibi ko kamo, maogma an pagpamibi ko,

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.

Filipos 4:1

Kaya namomotan kong mga tugang, kamo na hinihidaw kong gayo, na sakong kaogmahan asin sakong orgulyo, magdanay kamong pusog sa Kagurangnan.

1 Tesalonica 2:19

Kamo, na samong paglaom asin kaogmahan, an dahelan kan pag-oorgulyo mi kan kapangganahan sa atubang ni Jesu-Cristo na satong Kagurangnan pagbalik niya.

1 Pedro 2:10

Kaidto bako kamong banwaan nin Dios, alagad ngunyan banwaan na niya kamo. Kaidto dai nindo nakamtan an pagkaherak nin Dios, alagad ngunyan nakamtan na nindo an saiyang pagkaherak.

1 Pedro 2:25

Kaidto garo kamo mga karnerong nagkaralagalag, alagad ngunyan nagbalik na kamo sa Pastor asin Paraataman kan saindong mga kalag.