Lukas 15:22 - Marahay na Bareta Biblia

²² Alagad inapod kan ama an saiyang mga sorogoon, ‘Dali kamo; daraha nindo digdi an pinakamarahay na gubing asin sulotan nindo saiya; singsingan nindo siya saka sapatosan.

Lukas 15:22 Iomraidhean Croise

Genesis 41:42

Dangan hinugkot kan hade sa saiyang muro an singsing na may selyo asin isiningsing ki Jose. Sinulotan niya ini nin gubing na pinong lino saka binugtakan nin kulintas na bulawan.

Esther 3:10

Hinale kan hade sa saiyang muro an singsing na panselyo asin itinao sa kaiwal kan mga Judio, ki Haman na aking lalaki ni Hammedata, na sarong Agageo.

Esther 8:2

Hinale kan hade sa saiyang muro an singsing na igwa kan saiyang selyo (na binawi niya ki Haman) asin itinao idto ki Mardokeo. Ibinugtak ni Esther si Mardokeo na parapamahala kan pagsadiri ni Haman.

Salmo 132:16

An saiyang mga padi gugubingan ko nin kaligtasan, asin an saiyang mga banal makurahaw sa kaogmahan.

Salmo 132:9

An saimong mga padi magubingan logod nin katanosan; an saimong mga banal magkurahaw logod sa kaogmahan!

Salmo 18:33

Ginibo niya akong maingat sa paglakaw arog sa usa; pinangagin niya akong ligtas sa ibabaw nin kabukidan.

Salmo 45:13

Nasa palasyo an prinsesa—anong gayon niya! Ginibo hale sa torsidong bulawan an gubing niya.

Awit nin mga Awit 7:1

Magayon nin marahay an saimong mga bitis sa sulot mong sandalyas, o daragang garo reyna! An porma kan saimong mga hita garo mga alahas na ginibo nin sarong eksperto.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Lukas 15:21

Sinabihan kan aki an saiyang ama, ‘Ama ko, nagkasala ako sa Dios asin saimo. Bako na akong maninigo na apodon pang aki mo. Ibilang mo na sana akong saro kan saimong mga tinatandanan na trabahador.’

Lukas 15:23

Dangan daraha digdi an pinatabang ogbon na baka asin bunoa! Mag-ogma kita! Magbangkete kita!

Roma 13:14

Isulot nindo an armas na iyo si Jesu-Cristo asin dai nindo pagsunodon an mga kamawotan kan saindong laman.

Roma 3:22

Pinangagin matanos nin Dios an tawo sa paagi kan pagtubod ninda ki Jesu-Cristo. Ginibo iyan nin Dios sa gabos na nagtutubod ki Cristo. Mayo nin kalaenan an gabos na tawo,

Roma 8:15

Huli ta dai nindo inako an espiritu nin kaoripnan tanganing matakot giraray kamo, kundi inako nindo an espiritu nin pagigin aki nin Dios, dangan sa paagi kan kapangyarihan kan Espiritu nin Dios, makakaapod kita saiya, “Ama, Ama ko!”

Galacia 3:27

Kaya kamong mga binunyagan sa pakisumaro ki Cristo, nagubingan na kan buhay ni Cristo.

Efeso 6:15

Isapatos nindo an pagigin andam para sa paghulit kan Marahay na Bareta nin katoninongan.

Deuteronomio 33:25

Mga banwa niya kudalon logod nin lansang; mag-erok logod siya na daing kahandalan.”

Kapahayagan 19:8

Itinao na sa nobya an gubing na lino na nagkikintab sa kalinigan.” (An lino iyo an matanos na gibo kan mga banal.)

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 3:18

Kaya hinahatolan taka na bumakal ka sako nin purong bulawan, tanganing magyaman ka. Bumakal ka man nin puting gubing tanganing may itahob ka sa makasosopog mong hubang kamugtakan. Bumakal ka nin bolong na ilalahid sa saimong mga mata tanganing makahiling ka.

Kapahayagan 6:11

An lambang saro sainda tinawan nin puting gubing, dangan sinabihan na maghalat nin dikit pang panahon, sagkod na mabilog an bilang kan saindang kapwa mga sorogoon saka mga tugang na gagadanon man siring sainda.

Kapahayagan 7:9

Pakatapos kaini, nahiling ko an dai mabilang na mga tawo hale sa gabos na rasa, tribu, nasyon, saka lengwahe. Nagtitindog sinda sa atubangan kan trono asin kan Kordero, nakagubing nin puti saka may mga kapot na mga sanga nin palma.