Lukas 15:15 - Marahay na Bareta Biblia

¹⁵ Kaya nagdolok siya asin nagpatandan sa saro na taga duman; isinubol siya kaini sa saiyang oma tanganing mag-ataman kan mga orig.

Lukas 15:15 Iomraidhean Croise

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Ezekiel 16:52

Kaya ngunyan tioson mo an kasosopgan. Mas dakul an mga kasalan mo ki sa mga kasalan kan mga tugang mong babae, kaya garo matanos sinda kun ibaing saimo. Kaya masopog ka asin tioson mo an pagkawara kan saimong onra, huli ta ginibo mong garo mabini an saimong mga tugang na babae.”

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Nahum 3:6

Tatapokan taka nin ati dangan pag-oolog-ologon. An mga tawong makahiling matatakot saimo.

Malakias 2:9

Kaya ako, sa pagbalos, magtugot na kaongisan kamo kan banwaan nin Israel huli ta dai nindo kinuyog an sakong kabotan; may pinapalaen kamo kun nagtutukdo kamo sa sakong banwaan.”

Mateo 7:6

“Dai nindo ipagtao an bagay na banal sa mga ayam ta tibaad kagaton kamo; dai nindo ipag-apon an saindong mga perlas sa mga orig ta tibaad timak-timakan ninda an mga iyan.

Lukas 15:13

Pakalihis nin nagkapirang aldaw, ipinabakal kan ngohod an kahirasan niya dangan nagduman sa harayong lugar. Duman niya ginasto an kwarta sa maraot na pamumuhay.

Lukas 15:14

Naubos an gabos niyang kwarta. Dangan nagkaigwa nin makuring gutom sa lugar na idto asin nagpoon man siyang magtios.

Lukas 15:16

Boot kutana niyang malaogan an saiyang tulak maski kan mga ibinabahog sa mga orig, alagad mayo nin nagtao saiya nin anoman.

Roma 6:22

Ngunyan na talingkas na kamo sa kasalan asin nagin mga oripon nin Dios, nag-aako na kamo nin kabanalan na an bunga, buhay na mayong kataposan.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.