Lukas 13:34 - Marahay na Bareta Biblia

³⁴ “O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki arog kan paglukob nin sarong gunakan sa saiyang mga siwo, alagad habo ka!

Lukas 13:34 Iomraidhean Croise

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Nehemias 9:30

Dakul na taon matinios na pinatanidan mo sinda. Pinasabongan mo an saimong mga propeta tanganing magtaram sainda, alagad dai sinda nagdangog; kaya ipinasakop mo sinda sa ibang mga nasyon.

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 17:8

Ingati ako siring sa alinawnaw kan saimong mata; sa lindong kan saimong mga pakpak ako tagoa;

Salmo 36:7

Mahalaga, O Dios, an danay mong pagkamoot! An mga aki nin tawo minapaili sa lindong kan saimong mga pakpak.

Salmo 57:1

Kaheraki ako, O Dios, kaheraki ako, huli ta minapaalaw ako saimo. Sa lindong kan saimong mga pakpak ako minapaili, sagkod na an mga bagyo nin pag-alaman makaagi.

Salmo 81:13

Kun magdangog kuta sako an sakong banwaan; kun magsunod kuta an Israel sa sakong mga dalan!

Salmo 91:4

Tatahoban ka niya kan saiyang mga pakpak; magigin ligtas ka sa saiyang pangataman; iingatan ka asin susurogon kan saiyang kaimbodan.

Isaias 30:15

Ini an tataramon kan Kagurangnan Dios, an banal na Dios nin Israel, “Sa pagbalik saka sa pagpahingalo makakaligtas kamo; sa dai paggirong asin sa pagsarig magkakaigwa kamo nin kosog.” Alagad habo nindong gibohon ini!

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 26:23

Kinua kan mga ini si Urias saka ibinalik ki Hadeng Jehoiakim, na guminadan saiya saka nagtapok kan saiyang bangkay sa lulubngan kan mga ordinaryong tawo.)

Jeremias 35:14

An mga kapagarakian ni Jonadab nagkuyog kan saiyang pagboot na dai mag-inom nin arak, asin sagkod ngunyan mayo sainda nin nag-iinom nin arak. Danay akong nagtaram saindo, alagad dai kamo nagkuyog sako.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Mga Panambitan 1:16

“Huli kaini ako naghihibi; mga mata ko nagbubulos nin luha. Mayo nin minaranga sako; mayo nin pwedeng magpakosog kan boot ko. Nagmomondo an sakong kaakian huli ta nadaog ako kan kaiwal.

Mga Panambitan 4:13

Alagad nangyari ini, huli sa kasalan kan saiyang mga propeta, sa kasombikalan kan saiyang mga padi, na nagpabulos kan dugo nin mga matanos.

Oseas 11:2

Alagad kan ako orog na mag-apod saiya, orog man siyang nagharayo sako. Nagsakripisyo ki Baal an sakong banwaan; nagtutong sinda nin insenso sa mga ladawan.

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Mateo 22:3

Sinugo niya an saiyang mga sorogoon na apodon an mga inimbitaran sa bangkete, alagad nagsayuma an mga imbitado.

Mateo 22:6

Pinurugol kan iba an mga sorogoon kan hade, kinulog ninda dangan ginaradan.

Lukas 15:28

Naanggot an matuang aki asin habong lumaog sa harong; kaya nagluwas an saiyang ama asin pinakiolayan siyang lumaog.

Lukas 19:44

Roronoton ka ninda sagkod an saimong mga aki; mayo sindang itatadang gapo na nakapatong sa kapwa gapo, huli ta dai mo minidbid an panahon kan pagdalaw nin Dios saimo!”

Lukas 23:28

Nag-atubang sainda si Jesus asin nagsabi, “Mga babaeng taga Jerusalem, dai nindo ako pagtangisan kundi pagtangisan nindo an sadiri nindo saka an saindong mga aki.

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.

Mga Gibo 7:59

Mantang ginagapo si Esteban, namimibi siya kaini, “Kagurangnan na Jesus, akoa an sakong espiritu!”

Mga Gibo 8:1

Nag-oyon si Saulo kan paggadan ki Esteban. Kan aldaw na idto, nagpoon na magtios nin makuring pasakit an simbahan sa Jerusalem. An gabos na paratubod, pwera kan mga apostol, nagkawaragas sa mga probinsya nin Judea asin Samaria.

Deuteronomio 32:29

Kun sinda madonong, masasabotan ninda kun tano ta sinda nadaog.

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Kapahayagan 11:8

asin mahuhutad an mga bangkay ninda sa dalan kan dakulang syudad, na inaapod man Sodoma, o Egipto, saen ipinako an saindang Kagurangnan.

Ruth 2:12

Balosan ka logod nin Kagurangnan huli kan saimong ginibo. Magkaigwa ka logod kan maninigong kabayadan hale sa Kagurangnan, an Dios kan Israel, na dinolok mo tanganing magpaataman.”