Lukas 13:27 - Marahay na Bareta Biblia

²⁷ Alagad masimbag siya, ‘Sinabi ko nang dai ko aram kun mga taga saen kamo! Hale kamo diyan, mga paragibo nin maraot!’

Lukas 13:27 Iomraidhean Croise

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 101:8

Aroaldaw gagadanon ko an gabos na tampalasan sa daga, papahaleon ko sa syudad nin Kagurangnan an gabos na paragibo nin karatan.

Salmo 119:115

Humarayo kamo sa sako, mga paragibo nin maraot, tanganing maotob ko an mga katogonan nin sakong Dios.

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Salmo 28:3

Dai mo ako pagpadusahan kaiba kan tampalasan, kaiba kan mga paragibo nin karatan, na katoninongan sa kapwa an nasa ngoso, alagad karatan an yaon sa saindang puso.

Salmo 5:6

An mga putikon saimong ginagadan; an mga tawong paha sa dugo asin madaya saimong isinisikwal.

Salmo 6:8

Humarayo kamo sako, mga paragibo nin karatan! An sakong pagtangis dinadangog nin Kagurangnan.

Oseas 9:12

Alagad maski pa magpadakula sinda nin mga aki, kukuahon ko an mga iyan sa sainda asin mayo akong itatadang buhay. Herak man sa sainda sa panahon na bayaan ko na sinda.”

Mateo 25:12

Alagad nagsimbag siya, ‘Sa katotoohan sinasabihan ko kamo, dai ko kamo midbid!’”

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Lukas 13:25

Kun serahan na kan kagharong an pintoan, kamong mga nagtitindog sa luwas mapoon pagtoktok asin pag-apod, ‘Kagurangnan, bukasan mo man kami!’ Alagad masimbag siya saindo, ‘Dai ko aram kun mga taga saen kamo!’

1 Corinto 8:3

Alagad an tawong namomoot sa Dios midbid nin Dios.

Galacia 4:9

Ngunyan na midbid na nindo an Dios—o an dapat kong sabihon, ngunyan midbid na kamo nin Dios—tadaw ta boot nindong magbalik sa mga maluluya saka makaheherak na mga espiritu? Nganing kamo magin oripon giraray ninda?

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”