Lukas 13:17 - Marahay na Bareta Biblia

¹⁷ Nasopog an mga kaiwal ni Jesus huli kan simbag niya, mantang an kadaklan kan mga tawo naogma sa gabos na ngangalasan na saiyang ginibo.

Lukas 13:17 Iomraidhean Croise

Salmo 109:29

Mapano logod nin disonra an sakong mga kaiwal; mapatos sinda nin sopog na garo tamong.

Salmo 111:3

An saiyang gibo, pano nin onra asin kamahalan, asin an saiyang katanosan magdadanay sagkod pa man.

Salmo 132:18

An mga kaiwal niya gugubingan ko nin kasopogan, alagad sa saiyang payo, an saiyang korona magkikinang.”

Salmo 40:14

Magkasoropog logod asin magkarilibong an mga nagmamawot na gumadan sako. Magsiribog logod asin masopogan an mga nagmamawot na ako makulogan.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Lukas 14:6

Alagad dai sinda nakasimbag kaini.

Lukas 18:43

Nakahiling tolos siya; nagsunod siya ki Jesus na nagpapasalamat sa Dios. Kan mahiling ini kan mga tawo, nag-omaw sinda gabos sa Dios.

Lukas 19:48

Alagad mayo sindang nakuang paagi, huli ta an mga tawo padagos na naghihinanyog sa saiyang tataramon.

Lukas 20:40

Poon kaidto dai na sinda nangahas na maghapot ki Jesus.

Mga Gibo 4:21

Orog na pinatakot sinda kan Konseho dangan pinahale. Dai sinda nin nakuang paagi na padusahan sinda, huli ta an gabos na tawo nag-oomaw sa Dios dahel sa nangyari.

2 Timoteo 3:9

Alagad dai sinda makakapadagos kan ginigibo nindang maraot, huli ta masusudya kan gabos an saindang kalolongan, arog man kan nangyari ki Janes saka ki Jambres.

Tito 2:8

Gumamit ka nin mga marahay na tataramon na dai madidiskutir, tanganing masopog an mga kaiwal mo, huli ta dai sindang masasabing maraot dapit sato.

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.