Lukas 12:4 - Marahay na Bareta Biblia

⁴ “Sinasabihan ko kamo, mga katood, na dai kamo matakot sa mga minagadan kan hawak alagad pakatapos mayo nang magiginibo.

Lukas 12:4 Iomraidhean Croise

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Awit nin mga Awit 5:16

An saiyang ngoso mahamis paghadokan; nakakadagka an bilog niyang pagkatawo. Siring kaiyan an sakong namomotan, mga babae nin Jerusalem.

Isaias 41:8

“Alagad ika, Israel, na sakong sorogoon, ika an banwaan na sakong pinili, an kapagarakian ni Abraham, na sakong katood.

Jeremias 1:17

Mag-andam ka, Jeremias; lakaw asin sabihan mo sinda kan gabos na ipinagboboot kong sabihon mo sainda. Dai ka ngunyan matakot sa sainda, huli ta kun matakot ka, gigibohon kong orog kang matakot kun nasa kaibahan ka na ninda.

Jeremias 1:8

Dai ka matakot sainda huli ta kaiba mo ako tanganing ingatan ka. Ako, an Kagurangnan, an nagtaram!”

Ezekiel 2:6

“Alagad ika, aki nin tawo, dai ka matakot sainda ni sa saindang mga tataramon. Lalabanan ka ninda asin kaoongisan; an pakiiba mo sainda garo pagtukaw sa tahaw nin mga uyang. Alagad dai ka matakot sa saindang tataramon o sa saindang mga hilingon, huli ta mga rebelde sinda.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Juan 15:13

Mayo nin pagkamoot na mas dakula pa ki sa pagkamoot nin sarong tawo na minadusay kan saiyang buhay para sa mga katood niya.

Mga Gibo 20:24

Alagad para sako mayo nin halaga an buhay ko; boot ko sanang matapos an misyon na inako ko ki Jesus na Kagurangnan, na iyo an pagpahayag kan Marahay na Bareta dapit sa biyaya nin Dios.

Mga Gibo 4:13

Napangalas an mga kaayon kan Konseho kan mahiling an kaisogan ni Pedro saka ni Juan, orog na kan maaraman nindang mga ordinaryong tawo sana sinda asin mayo nin inadalan. Naaraman ninda na an mga ini nagin kairiba ni Jesus.

Filipos 1:28

Dai kamo matakot sa mga kaiwal nindo; magmaisog kamo, asin magpapatunay iyan sainda na madadaog sinda asin kamo an manggagana huli ta an Dios an nagtatao saindo nin kapangganahan.

Santiago 2:23

Kaya naotob an kasuratan na nagsabi, “Si Abraham nagtubod sa Dios; huli kan saiyang pagtubod ibinilang siyang matanos nin Dios.” Kaya inapod si Abraham na katood nin Dios.

1 Pedro 3:14

Alagad maski magtios kamo huli sa katanosan, magigin paladan kamo. Dai kamo matakot sa kiisay man; dai man kamo mahadit.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.