Lukas 12:21 - Marahay na Bareta Biblia

²¹ Nagtaram pa si Jesus, “Siring kaiyan an mangyayari sa mga nagtitipon nin kayaman para sa sainda man sana, alagad bakong mayaman sa atubang nin Dios.”

Lukas 12:21 Iomraidhean Croise

Mga Talinhaga 13:7

May tawong nagsasagin-sagin na mayaman, alagad mayo nin anoman; dangan may nagsasagin-sagin na dukha, alagad igwa nin dakulang kayamanan.

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Habakkuk 2:9

Herak man saindo na nagpayaman kan saindong mga pamilya, huli sa mga nakua nindo sa paagi nin kadahasan! Hiningowa nindong magin ligtas an sadiri nindong harong,

Lukas 12:33

Pabakalan nindo an saindong mga rogaring asin an kabaklan kaiyan ilimos nindo sa mga dukha. Magtagama kamo nin mga pitaka na dai nagdadaan. Magtipon kamo nin kayamanan sa langit, ta duman dai nanggad iyan maiinaan, huli ta mayong parahabon na makakaduman, asin mayong bokbok na makakaraot kaiyan.

Lukas 16:11

Kaya kun dai kamo mapapaniwalaan kan kayamanan sa kinaban na ini, siisay an mapaniwala saindo kan tunay na kayamanan?

Lukas 6:24

“Alagad herak man saindo na mga mayaman ngunyan, huli ta nagkamit na kamo nin kaginhawahan!

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

1 Timoteo 6:9

Alagad an mga boot yumaman nahuhulog sa sogot saka nasisiod sa dakul na mayong kahulogan saka nakakakulog na mga pagmawot, na minaguyod sainda sa karatan asin sa kapahamakan.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

Kapahayagan 2:9

Aram ko an saimong mga kasakitan; aram ko na ika dukha—alagad sa katunayan mayaman ka! Aram ko an mga pakaraot saimo kan mga nagsasabi na sinda mga Judio, na bako man totoo, kundi sa katunayan sarong sinagoga ni Satanas!