Lukas 12:15 - Marahay na Bareta Biblia

¹⁵ Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Lukas 12:15 Iomraidhean Croise

1 Mga Hade 2:40

kinamaderohan niya an saiyang asno asin nagpasiring ki Hadeng Akis sa Gat, tanganing hanapon an saiyang mga oripon. Nakua niya sinda asin ibinalik sa saiyang harong.

An Libro ni Job 2:4

Nagsimbag si Satanas, “Itatao nin tawo an gabos tanganing mabuhay sana.

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Salmo 37:16

Orog na mahalaga an kadikit na sadiri nin matanos, ki sa kayamanan nin dakul na maraot;

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Mga Talinhaga 15:16

Mas marahay pa an magin dukha na may pagkatakot sa Kagurangnan ki sa magin mayaman na pano nin kahandalan.

Mga Talinhaga 16:16

Orog karahay an pakakua nin kadonongan saka pakaaram ki sa bulawan saka plata.

Mga Talinhaga 28:16

Magigin makuri an pamayo na mayo nin toltol na kaisipan. An naoongis sa pandadaya maghahaloy sa pamamahala.

Jeremias 6:13

An lambang saro, poon sa kasaradayan sagkod sa haralangkaw na tawo, nandadaya tanganing yumanan. Nandadaya maski an mga propeta saka mga padi.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Habakkuk 2:9

Herak man saindo na nagpayaman kan saindong mga pamilya, huli sa mga nakua nindo sa paagi nin kadahasan! Hiningowa nindong magin ligtas an sadiri nindong harong,

Markos 7:22

pagkaara, katampalasan, pandaya, kadustaan, pagkaori, tsismis, kapaabaw-abawan dangan, kalolongan.

Lukas 12:16

Dangan nag-osipon si Jesus sainda kan parabolang ini, “May sarong mayaman na nag-ani nin dakul sa saiyang daga.

Lukas 16:14

Nadangog ini gabos kan mga Fariseong makikwarta, kaya pinagngisihan ninda si Jesus.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Lukas 8:14

An mga banhing nakasabwag sa lugar na matonok garo an mga tawo na minadangog, alagad pinopoot sinda kan mga kahaditan, kayamanan asin kaogmahan sa buhay na ini kaya dai nahihinog an saindang bunga.

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

2 Timoteo 3:2

An mga tawo magigin makasadiri, makikwarta, mapaabaw-abaw, mapalangkaw; sinda magigin paramuda, masombikal sa mga magurang, dai tataong magromdom nin utang na boot, saka daing Dios na minimidbid;

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

Josue 7:21

Sa mga bagay na samong nasamsam, may nahiling akong magayon na gubing na gibo sa Babilonia, mga duwang kilo nin plata asin sarong barang bulawan na sobra sa kabangang kilo an timbang. Nagustohan ko nin marahay an mga ini kaya kinua ko. Makukua nindo an mga iyan na nakalubong sa daga sa laog kan sakong tolda, na nasa irarom an plata.”

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!