Lukas 11:9 - Marahay na Bareta Biblia

⁹ Kaya sinasabihan ko kamo: maghagad kamo asin tatawan kamo; maghanap asin makukua nindo; tumuktok asin bubuksan kamo.

Lukas 11:9 Iomraidhean Croise

Salmo 118:5

Sa sakong kahorasaan nag-apod ako sa Kagurangnan; sinimbag niya ako asin pinatalingkas.

Salmo 27:4

Saro sana an hinahagad ko sa Kagurangnan; saro sanang bagay an sakong minamawot; na ako mag-erok sa harong nin Kagurangnan sa gabos na aldaw nin sakong buhay, na mahiling ko an kagayonan nin Kagurangnan, asin magpamibi sa saiyang pinag-eerokan.

Salmo 27:8

Kan ika magtaram, “Madya, sambahon mo ako.” Nagsimbag an puso ko, “Kagurangnan, madolok ako.”

Salmo 34:10

Maski an mga leon nagugutom sa kakulangan nin pagkakan, alagad an nagkukuyog sa Kagurangnan dai pagkukulangon nin mga marahay na bagay.

Salmo 34:4

Namibi ako sa Kagurangnan, asin sinimbag niya ako; ilinigtas niya ako sa gabos kong katakotan.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Awit nin mga Awit 5:6

Binukasan ko an pintoan para sa sakong namomotan, alagad mayo na siya duman. Mawot ko nanggad na madangog an saiyang tingog! Hinanap ko siya, alagad dai ko nanumpongan; inapod ko siya, alagad mayo akong nadangog na simbag.

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Jeremias 29:12

Dangan maapod kamo, madolok saka mamimibi sako, asin dadangogon ko kamo.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Daniel 9:3

Namibi ako nin maigot sa Kagurangnan Dios, nakimaherak saiya, nag-ayuno, nagsulot nin sako asin nagtukaw sa abo.

Mateo 21:22

Kun kamo magtubod, makakamtan nindo an anoman na hagadon nindo sa pamibi.”

Mateo 21:31

Arin sa duwa an nagkuyog sa ama?” Nagsimbag sinda, “An matua.” Sinabihan sinda ni Jesus, “Sa katotoohan sinasabihan ko kamo, maeenot pa saindong maglaog sa Kahadean nin Dios an mga parasingil nin buhis asin an mga maraot na babae.

Mateo 6:29

Alagad sinasabihan ko kamo, dawa si Solomon sa bilog niyang kamurawayan, dai pa nakagubing nin arog kagayon kan saro kan mga liryong ini.

Markos 11:24

Kaya sinasabihan ko kamo, na anoman an hagadon nindo sa pamibi, magtubod kamo na itatao saindo asin makakamtan nindo iyan.

Markos 13:37

An sinasabi ko saindo, sinasabi ko man sa gabos: magpuka kamo!”

Lukas 11:10

Huli ta an lambang naghahagad, maako; an naghahanap, makakakua; asin an nagtutuktok, binubuksan.

Juan 14:13

Gigibohon ko an anoman na hagadon nindo sa ngaran ko, tanganing mapamuraway an Ama sa Aki.

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Juan 15:7

Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Juan 4:10

Nagsimbag si Jesus, “Kun aram mo sana an balaog nin Dios asin kun siisay an naghahagad saimo nin inomon, ika kutana an mahagad saiya. Tatawan ka kutana niya kan tubig na nagtatao nin buhay.”

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

2 Corinto 6:2

An Dios nagsasabi: “Dinangog taka sa tamang panahon, tinabangan taka sa aldaw nin kaligtasan.” Maghinanyog kamo! Ngunyan an tamang panahon; ngunyan an aldaw nin kaligtasan!

Hebreyo 11:6

Alagad an siisay man na mayo nin pagtubod, dai makakapaogma sa Dios. Huli ta an siisay man na minadolok sa Dios dapat magtubod na igwa nin Dios na nagtatao nin marahay na balos sa mga naghahanap saiya.

Hebreyo 4:16

Kaya pakosogon ta an satong boot na magdolok sa trono nin biyaya, tanganing makamtan ta an pagkaherak asin makua ta an biyaya sa panahon nin pangangaipo.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 5:15

An pamibi na may pagtubod an mapaomay kan tawong naghehelang. Papaomayan siya nin Kagurangnan asin kun nagkasala siya, papatawadon siya.

1 Juan 3:22

Inaako ta an anoman na hagadon ta saiya, huli ta inootob ta an saiyang mga togon asin ginigibo ta an ikinakaogma niya.

Kapahayagan 2:24

“Alagad sa iba saindo diyan sa Tiatira na dai nagsunod kan maraot na katukdoan na iyan; na dai nakanood kan inaapod kan iba na mga ‘hararom na hilom ni Satanas,’ sinasabihan ko kamo na dai ko na kamo tatawan nin iba pang makakagabat saindo.