Lukas 11:34 - Marahay na Bareta Biblia

³⁴ An mga mata mo iyo an ilaw kan saimong hawak. Kun malinaw an mga mata mo, an bilog mong hawak pano nin kaliwanagan; alagad kun malabog an saimong mga mata, an hawak mo pano nin kadikloman.

Lukas 11:34 Iomraidhean Croise

Genesis 19:11

Pakatapos, binuta kan duwang anghel an gabos na lalaki duman sa luwas kaya dai ninda nahiling an pinto.

Salmo 119:18

Buksan mo an sakong mga mata, tanganing mahiling ko an mga makangangalas na katotoohan sa saimong katogonan.

Salmo 81:12

Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Mga Talinhaga 21:4

Pagkamoot sa sadiri asin kapaabaw-abawan—iyo an tanda kan maraot saka iyan kasalan.

Mga Talinhaga 28:22

Sa paghihidali kan kuripot na siya yumaman, dai niya naaaraman na maabot saiya an kadukhaan.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Isaias 42:19

May makakaarog pa daw sa sakong sorogoon sa pagkabuta, o sa sakong sinugo sa pagkabongog?

Isaias 44:18

Mga lolong an siring na mga tawo; dai ninda aram an saindang ginigibo. Pinirong ninda an saindang mga mata saka sineserahan an saindang isip sa katotoohan.

Isaias 5:20

Herak man sa nagsasabing marahay an maraot asin maraot an marahay, sa mga tawong an kadikloman ginigibong liwanag, asin an liwanag ginigibong kadikloman, sa mga tawong an kapaitan ginigibong kahamisan asin an kahamisan ginigibong kapaitan!

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Markos 4:12

tanganing ‘maski anong hiling ninda, dai sinda makakamaan, maski anong dangog ninda, dai sinda makakasabot; huli ta kun makahiling sinda asin makasabot, tibaad magbalik sinda sa Dios asin patawadon niya sinda.’”

Markos 7:22

pagkaara, katampalasan, pandaya, kadustaan, pagkaori, tsismis, kapaabaw-abawan dangan, kalolongan.

Markos 8:18

Igwa kamong mga mata, dai nindo nahihiling? Igwa kamong mga talinga, dai nindo nadadangog? Dai nindo nagigiromdoman?

Lukas 11:35

Kaya mag-ingat ka ta tibaad an liwanag na yaon saimo kadikloman.

Mga Gibo 13:11

Papadusahan ka ngunyan kan Kagurangnan; mabubuta ka asin dai makakahiling kan liwanag nin aldaw sa talaan na panahon!” Namatean tolos ni Elimas na may naglipod na maitom na alopoop sa mga mata niya; nagkapkap siya sa paghanap nin makabit saiya.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

2 Corinto 4:4

Dai sinda minatubod huli ta binuta an saindang mga isip kan dios kaining kinaban, tanganing dai ninda mahiling an liwanag kan Marahay na Bareta dapit sa kamurawayan ni Cristo na iyo an kabaing nin Dios.

Efeso 1:17

hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Efeso 6:5

Mga oripon, kuyogon nindo an saindong mga kagurangnan digdi sa daga, na may paggalang, pagkatakot asin kaimbodan nin puso, na garo si Cristo an pinaglilingkodan nindo.

Colosas 3:22

Mga oripon, magkuyog kamo sa saindong mga kagurangnan sa kinaban na ini sa gabos na bagay, bako sana kun pinagbabantayan kamo ninda nganing maoyonan kamo, kundi gibohon nindo iyan nin tudok sa puso huli sa pagkatakot nindo sa Kagurangnan.