Lukas 11:24 - Marahay na Bareta Biblia

²⁴ “Kun minaluwas sa tawo an sarong maraot na espiritu, minaduman iyan sa mamarang mga lugar sa paghanap nin mapapahingaloan. Kun dai siyang nakukua, minasaboot siya nin siring, ‘Mabalik ako sa harong na pinaghalean ko.’

Lukas 11:24 Iomraidhean Croise

An Libro ni Job 1:7

Hinapot siya nin Kagurangnan, “Ano an pinagparagibo mo?” Nagsimbag si Satanas, “Nagparalakaw ako sa bilog na kinaban; maski saen ako nakaduman.”

An Libro ni Job 2:2

Hinapot siya nin Kagurangnan, “Saen ka nagparaduman?” Nagsimbag si Satanas, “Nagparalakaw ako sa bilog na kinaban; maski saen ako nakaduman.”

Salmo 63:1

O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Isaias 35:7

magigin sarong sapa an mainit na baybay, asin mapapano nin mga burabod an mamarang daga. Sa dating pinag-eerokan kan lalaw na mga ayam, matalubo an mga bariw saka doot sa katiboan.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 48:22

“Mayo nin kaligtasan para sa mga parakasala,” an sabi nin Kagurangnan.

Markos 5:10

Padagos an pakimaherak niya ki Jesus na dai sinda pagpahaleon sa teritoryong idto.

Markos 9:25

Nahiling ni Jesus na nagdadaguso sainda an mga tawo, kaya pinagbotan niya an maraot na espiritu, “Espiritung pola asin bongog, pinagbobotan takang lumuwas sa aking ini; dai ka na nanggad maglaog saiya!”

Lukas 11:25

Pagbalik niya, maaabotan niya an harong na malinig asin husay.

Efeso 2:2

An sinunod nindo kaidto iyo an maraot na gawe kan kinaban na ini; sinunod nindo an prinsipe kan kapangyarihan sa kahiwasan, an espiritu na nagsasakop kan mga aking masombikal sa Dios.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.