Lukas 10:4 - Marahay na Bareta Biblia

⁴ Dai kamo magdara nin pitaka, bag o sandalyas; dai kamo magtaong galang sa kiisay man sa dalan.

Lukas 10:4 Iomraidhean Croise

Genesis 24:33

Kan andam na an kakanon sa atubang niya, nagsabi an sorogoon, “Dai ako makakan sagkod na dai ko nasasabi an sakong tuyo.” Nagsimbag si Laban, “Sabihan na.”

Genesis 24:56

Nagsimbag an sorogoon, “Dai nindo ako pag-olangon. Tinabangan ako nin Kagurangnan sa sakong lakaw; tugote akong magpuli sa sakong kagurangnan.”

2 Mga Hade 4:24

Dangan pinakamaderohan kan babae an asno, asin pinagbotan an sorogoon, “Palakawon mo nin marikas an asno, asin dai mo pagpaluwayon an lakaw sagkod na dai ko sinasabi saimo.”

2 Mga Hade 4:29

Sinabihan ni Eliseo si Gehazi, “Paghidali! Daraha an sugkod ko asin lakaw. Kun may masabat ka, dai ka mag-ontok tanganing komustahon siya; kun may magkomusta saimo, dai mo siya pagsimbagon. Ibugtak mo an sakong sugkod sa lalawogon kan aki.”

Mga Talinhaga 4:25

Ituruhok mo an saimong mga mata sa enotan; tanawa an saimong padudumanan.

Markos 6:7

Inapod niya an doseng disipulo asin sinugo niyang manduwa-duwa. Tinawan niya sinda nin kapangyarihan sa pagpaluwas nin mga maraot na espiritu.

Lukas 22:35

Dangan sinabihan sinda ni Jesus, “Kan sugoon ko kamo na mayong darang pitaka, bag, o sandalyas, nagkulang daw kamo nin anoman?” “Dai,” an simbag ninda.

1 Samuel 21:8

Sinabihan ni David si Ahimelec, “Igwa ka digdi nin garod o espada na ikakatao sako? Mayo na akong panahon tanganing kuahon an sakong espada o ibang armas huli ta hidali an pagboot na itinao sako kan hade.”