Lukas 10:2 - Marahay na Bareta Biblia

² Sinabihan niya sinda, “Dakul an anihon, alagad dikit an paraani; kaya makimaherak kamo sa kagsadiri kan anihon na magsugo nin mga paraani sa saiyang anihon.

Lukas 10:2 Iomraidhean Croise

1 Mga Hade 18:22

Nagpadagos sa pagtaram si Elias, “Ako na sana an natatadang propeta kan Kagurangnan, alagad igwa nin kwatro syentos singkwentang propeta si Baal.

Salmo 68:11

Itinao nin Kagurangnan an pagboot; dinara kan kadaklan an bareta:

Jeremias 3:15

Tatawan ko kamo nin mga pamayo na nagkukuyog sako, asin papamayohan ninda kamo na may kadonongan saka pakasabot.

Zacarias 11:17

Herak man sa mayong halagang pastor na idto! Pinabayaan niya an saiyang mga karnero. Roronoton nanggad nin gera an saiyang kapangyarihan. Mawawaraan nin kosog an saiyang kamot, asin mabubuta an too niyang mata.”

Zacarias 11:5

Ginagadan sinda kan saindang mga kagsadiri asin an mga ini dai napapadusahan. Ipinapabakal ninda an karne dangan minasabi sinda, ‘Pag-omawon an Kagurangnan! Mayaman na kami!’ Maski an nagpapastor sainda dai naheherak sa sainda.” (

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 11:29

Nagsimbag si Moises, “Nagmamakulog ka daw sako? Tawan logod nin Kagurangnan kan saiyang espiritu an gabos na tawo asin gibohon na propeta sinda gabos!”

Mateo 20:1

“An Kahadean nin langit kaagid sa kagsadiri nin sarong ubasan na pagkaagang amay nagluwas tanganing maghanap nin mga matrabaho sa saiyang ubasan.

Markos 13:34

Kaagid iyan sa sarong lalaki na nagbabaklay. Bago siya naghale ipinamahala niya an harong sa saiyang mga sorogoon saka winalatan niya nin trabaho an lambang saro sainda. Tinugon niya an bantay sa pintoan na magpuka.

Markos 16:15

Sinabihan niya sinda, “Paduman kamo sa bilog na kinaban; ihulit nindo an Marahay na Bareta sa gabos na tawo.

Markos 16:20

Nagralakaw an mga disipulo asin naghulit saen man na lugar. Tinabangan sinda kan Kagurangnan asin pinatunayan na an saindang ipinaghuhulit totoo huli sa mga milagro na saindang ginibo.] [

Lukas 9:1

Tinipon ni Jesus an doseng disipulo dangan tinawan nin kapangyarihan asin awtoridad sa pagpaluwas kan gabos na demonyo saka sa pagbolong kan mga naghehelang.

Mga Gibo 11:19

Kan gadanon si Esteban, pinonan man na pasakitan an mga paratubod. Nakadulag an iba sainda sagkod sa Fenecia, Chipre saka sa Antiokia; duman ipinaghulit ninda an ebanghelyo, alagad sa mga Judio sana.

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Mga Gibo 13:4

Kaya si Bernabe saka si Saulo, na mga sinugo nin Espiritu Santo, nagduman sa Seleucia. Duman sinda nagsakay pasiring sa isla nin Chipre.

Mga Gibo 20:28

Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

Mga Gibo 22:21

Alagad sinabihan ako kan Kagurangnan, ‘Lumakaw ka, ta susugoon taka sa harayo, duman sa mga pagano.’”

Mga Gibo 8:4

An nagkawaragas na mga paratubod nagpadagos sa paghulit kan ebanghelyo, maski saen sinda magduman.

1 Corinto 12:28

Ibinugtak nin Dios sa simbahan, enot, an mga apostol; ikaduwa, an mga propeta; ikatolo, an mga paratukdo; dangan an naggigibo nin mga milagro; sunod an mga nagbobolong nin mga naghehelang, an mga nagtatabang, an mga lider, saka an mga may kakayahan na magtaram sa manlaen-laen na lengwahe.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

2 Corinto 6:1

Kaya bilang mga kaiba sa paglingkod sa Dios, nakikimaherak kami saindo, na mga nag-ako kan biyaya nin Dios na dai nindo iyan pagsayangon.

Filipos 2:21

An gabos nagmamangno sana kan saindang karahayan, bakong kan dapit ki Jesu-Cristo.

Filipos 2:25

Naisip ko na kaipuhan papulion ko saindo an satong tugang na si Epaprodito, na kaiba ko sa trabaho saka sa pakilaban, asin nagin man sorogoon nindo sa pagtabang sako.

Filipos 2:30

huli ta ibinugtak niya sa pag-alaman an saiyang buhay, na dikit pang mawara, huli sa paglingkod ki Cristo tanganing ikatao sako an tabang na dai nindo ikinatao.

Colosas 1:29

Huli kaini nagtatrabaho ako nin maigot sa tabang kan kapangyarihan ni Cristo.

Colosas 4:12

Kinokomusta kamo ni Epafras, na saro pang kaayon kan grupo nindo, asin sorogoon ni Cristo Jesus. Danay niyang ipinapamibi nin maigot na kamo magin masarig, mayo nin pagduwa-duwa sa pagtubod asin andam na magkuyog sa kabotan nin Dios.

1 Tesalonica 2:9

Giromdomon nindo, mga tugang, kun gurano an pagtrabaho saka pagmalasakit mi! Nagtrabaho kami aldaw-banggi tanganing dai kami makapagabat saindo mantang naghuhulit kami saindo kan Marahay na Bareta nin Dios.

1 Tesalonica 5:12

Ipinapakiolay mi saindo, mga tugang, na galangan nindo an mga naglilingkod diyan saindo, na namamayo saka nagtutukdo saindo kan pamumuhay na Cristiano.

2 Tesalonica 3:1

Sa kataposan, mga tugang, ipamibi nindo kami tanganing an mensahe nin Kagurangnan makalakop tolos asin akoon, arog kan pag-ako nindo kaiyan.

1 Timoteo 4:10

Naghihingowa kami saka nagtatrabaho nin maigot, huli ta ibinugtak mi an samong paglaom sa buhay na Dios na Paraligtas kan gabos, orog na idtong mga nagtutubod saiya.

2 Timoteo 4:5

Alagad magdanay ka sanang masarig sa gabos na oras; tioson mo an kasakitan, gibohon mo an trabaho nin sarong parabalangibog kan Marahay na Bareta, asin otobon mo an bilog mong katongdan bilang sorogoon nin Dios.

Filemon 1:1

Surat na hale ki Pablo na sarong bilanggo dahel ki Cristo Jesus; hale man ki Timoteo na satong tugang. Para ki Filemon, na katood mi saka kapwa paralingkod,

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Kapahayagan 2:1

“Suratan mo an anghel kan simbahan sa Efeso: “Iyo ini an mensahe kan nagkakapot nin pitong bitoon sa too niyang kamot, kan naglalakaw sa tahaw kan pitong kandelerong bulawan.