Lukas 10:15 - Marahay na Bareta Biblia

¹⁵ Asin ika, Capernaum, boot mong iitaas sagkod sa langit? Ihuhulog ka sa impyerno!”

Lukas 10:15 Iomraidhean Croise

Genesis 11:4

Dangan nagsabi sinda, “Gumibo kita nin sarong syudad, na igwa nin tore na abot sa langit, tanganing mabantog kita asin dai magkasiriblag sa bilog na kinaban.”

Isaias 5:14

An kinaban kan mga gadan nagugutom para sainda asin an buka kan saiyang ngimot dai na masusukol; hahalonon niya an ginagalangan sa Jerusalem saka an saindang kairiba, sagkod an mga maribok na grupo nin ordinaryong mga tawo.

Jeremias 51:53

Maski pa masakat kan Babilon an langit saka makatugdok duman nin makosog na bantayan, mapadara ako nin mga tawo tanganing raoton iyan. Ako, an Kagurangnan, an nagtaram.”

Ezekiel 26:20

Dangan ihuhulog taka sa kinaban nin mga gadan sa kaibahan kan mga tawong nabuhay kan suanoy na panahon. Mag-eerok ka diyan sa kaibahan kan mga gadan, sa tahaw kan suanoy na mga gaba. Huli kaiyan, dai ka na pag-eerokan, ni magkakaigwa nin lugar sa daga kan mga nabubuhay.

Ezekiel 31:18

“An kahoy na iyan iyo an hade nin Egipto asin an bilog niyang banwaan. Dai nakaarog sa kamurawayan saka kadakulaan kaiyan an arin man na kahoy sa Eden. Alagad ngunyan, arog kan kakahoyan nin Eden maduman iyan sa kinaban kan mga gadan, tanganing masakaibahan kan mga tawong bakong diosnon asin mga nagkagaradan sa gera. Ako an nagtaram,” olay nin Kagurangnan Dios.

Ezekiel 32:18

“Aki nin tawo, magmondo ka para sa dakul na Egipcio. Isubol mo sinda sa kinaban kan mga gadan kaiba kan mga taga ibang nasyon.

Ezekiel 32:20

“An mga Egipcio mabagsak kaiba kan mga nagkagaradan sa gera. Andam na an sarong espada na magadan sainda gabos.

Ezekiel 32:27

An paglubong sainda bakong arog kan paglubong sa mga bayani kan nakaaging panahon, na dara an mga armas sa kinaban kan mga gadan, na nauulonan an espada asin an saindang kalasag nasa ibabaw kan saindang daghan. An mga bayaning ini igwa kaidto nin kapangyarihan sa pagtakot sa daga kan mga nabubuhay.

Obadias 1:4

Maski siring kahalangkaw kan salagan nin agila an saimong harong; maski pa iyan kapantay kan mga bitoon, alagad guguyodon taka paibaba.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Mateo 11:23

Asin ika, Capernaum! Boot mong iitaas sagkod sa langit? Ihuhulog ka sa impyerno! Huli ta kun an mga milagro na ginibo saimo ginibo sa Sodoma, an banwaan na idto yaon pa kutana ngunyan!

Mateo 4:13

Naghale siya sa Nazaret asin nag-erok sa Capernaum. An banwaan na ini nasa tampi kan Danaw nin Galilea, sa teritoryo nin Zabulon asin Neftali.

Lukas 13:28

Magtatangis kamo duman asin magraragot an saindong mga ngipon kun mahiling nindo si Abraham, si Isaac saka si Jacob asin an gabos na propeta sa laog kan Kahadean nin Dios, mantang kamo nasa luwas!

Lukas 16:23

Kan nasasakitan na an mayaman duman sa Hades, nagtangad siya asin nahiling niya sa harayo si Abraham saka si Lazaro sa kataed kaini.

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

2 Pedro 2:4

Dai pinaligtas nin Dios an mga anghel na nagkasala, kundi ihinulog sinda sa impyerno, na duman nakakadenahan sinda sa kadikloman saka naghahalat kan Aldaw nin Paghukom.