Lukas 1:8 - Marahay na Bareta Biblia

⁸ Turno kaidto kan mga pading grupo ni Zacarias na maglingkod sa Templo. Sarong aldaw, si Zacarias iyo an padi na naglingkod sa atubang nin Dios.

Lukas 1:8 Iomraidhean Croise

1 Mga Cronica 24:19

Bilang katongdan nin paglingkod, an mga lalaking ini minaduman sa Templo sosog sa paaging itinao sainda ni Aaron na saindang ginikanan, siring kan pagboot nin Kagurangnan na Dios nin Israel.

1 Mga Cronica 24:2

Enot na nagadan ki sa saindang ama si Nadab saka si Abihu, asin dai sinda nagkaigwa nin mga aki; kaya si Eleazar asin si Itamar iyo an nagin mga padi.

2 Mga Cronica 11:14

Binayaan kan mga Levita an saindang mga dagang pasabsaban asin iba pang pagsadiring daga, dangan nagduman sa Juda asin sa Jerusalem, huli ta dai sinda tinugotan ni Hadeng Jeroboam saka mga kasalihid kaini na maglingkod sa Kagurangnan bilang mga padi.

2 Mga Cronica 31:19

Sa grupo nin mga padi na nag-erok sa mga syudad na kahirasan kan mga kapagarakian ni Aaron o sa mga kaomahan na sadiri kan mga syudad na ini, igwa nin malalaoman na mga lalaki na namahala kan paghiras kan kakanon sa gabos na lalaki na kabilang sa pamilya kan mga padi asin sa gabos na Levita na nasa lista.

2 Mga Cronica 31:2

Pinaggrupo-grupo giraray ni Hadeng Ezekias an mga padi asin an mga Levita, sosog sa saindang mga katongdan. Kaiba digdi an pagdolot nin mga tinutong na atang asin mga atang para sa katoninongan, an pag-ayon sa gawe nin pagsamba sa Templo dangan an pagtao nin kaomawan saka pasasalamat sa manlaen-laen na kabtang kan Templo.

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

Esdras 6:18

Pinili saka pinaggrupo-grupo man ninda an mga padi saka mga Levita na malingkod sa Templo sa Jerusalem, sosog sa katukdoan na nasusurat sa libro ni Moises.

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 28:41

Gubingan mo kaiyan si Aaron na saimong tugang asin an saiyang mga aki, dangan lahidan mo sinda nin lana, ordenan saka konsagrahon, tanganing maglingkod sinda sako bilang mga padi.

Exodo 29:1

“Ini an gigibohon mo sa pagkonsagra ki Aaron asin sa mga aki niyang lalaki tanganing maglingkod sako bilang mga padi. Kumua ka nin sarong torilyong baka saka duwang lalaking karnero na mayo nin kaninan.

Exodo 29:44

Kokonsagrahon ko an Tabernakulo asin an altar; siring man si Aaron sagkod an saiyang mga aki kokonsagrahon ko tanganing maglingkod sinda sako bilang mga padi.

Exodo 29:9

hagkosan mo an saindang habayan dangan bugtakan mo nin turban an saindang payo. Iyan an gigibohon mo sa pagkonsagra ki Aaron asin kan saiyang mga aki. Sinda asin an saindang mga kapagarakian an maglilingkod sako bilang padi sagkod pa man.

Exodo 30:30

Dangan lahidan mo kan lana si Aaron sagkod an saiyang mga aki asin konsagrahon mo sinda tanganing maglingkod sako bilang mga padi.

Mga Bilang 18:7

Alagad ika asin an saimong mga aki iyo nanggad sana an magibo kan katongdan kan padi manongod sa altar asin sa laog kan Kabanal-banaleng Lugar. Iyan an saimong katongdan. Itinao ko saindo an pagkapadi bilang sarong regalo, asin gagadanon an bakong Levita na magdolok sa sagradong mga bagay.

Lukas 1:5

Kan si Herodes an hade sa Judea, may sarong padi na an ngaran Zacarias na kabilang sa grupo ni Abias. An agom niyang si Isabel gikan man sa kapadian na kapagarakian ni Aaron.

Lukas 1:7

Alagad mayo sindang aki huli ta baog si Isabel asin pareho sindang gurang nang marahay.