Lukas 1:41 - Marahay na Bareta Biblia

⁴¹ Pagkadangog ni Isabel kan pagtaong galang ni Maria, huminiro an aki sa tulak niya. Napano kan Espiritu Santo si Isabel,

Lukas 1:41 Iomraidhean Croise

Genesis 25:22

Kambal an ipinagbabados ni Rebecca asin naggugumulan an mga ini sa saiyang tulak. Nagsabi si Rebecca, “Tano ta nangyayari sako an siring kaini?” Kaya naglakaw siya tanganing hapoton an Kagurangnan.

Salmo 22:10

Nagsarig ako saimo poon kan ako namundag; ika na an sakong Dios poon pa sa tulak nin sakong ina.

Lukas 1:15

huli ta siya magigin dakulang tawo sa atubang nin Kagurangnan. Dai siya mainom nin arak o anoman na maisog na inomon. Mapapano siya kan Espiritu Santo maski nasa tulak pa sana siya kan saiyang ina.

Lukas 1:40

Pagdagos niya sa harong ni Zacarias, nagtaong galang siya ki Isabel.

Lukas 1:42

asin nagtaram nin makosog, “Paladan ka sa gabos na babae asin paladan an aki na dinadara mo sa saimong tulak!

Lukas 1:44

Huli ta pakadangog ko kan saimong pagtaong galang, huminiro sa kaogmahan an aki sa sakuyang tulak.

Lukas 1:67

Napano kan Espiritu Santo si Zacarias na ama ni Juan, asin nagpropesia,

Lukas 4:1

Naghale si Jesus sa Jordan, pano kan Espiritu Santo; giniyahan siya sa kalangtadan kan Espiritu Santo kan siya papuli na.

Mga Gibo 2:4

Sinda gabos napano kan Espiritu Santo asin nagpoon pagtaram sa manlaen-laen na lengwahe, siring sa ipinataram sainda kan Espiritu.

Mga Gibo 4:8

Pano nin Espiritu Santo, nagsimbag sainda si Pedro, “Mga lider asin kamagurangan:

Mga Gibo 6:3

Kaya, mga tugang, pumili kamo nin pitong lalaking marahay an dangog, pano kan Espiritu Santo asin nin kadonongan; sinda an papamahalaon ta kan bagay na ini,

Mga Gibo 7:55

Alagad si Esteban, pano kan Espiritu Santo, nagtingkalag sa langit asin nahiling niya an kamurawayan nin Dios, sagkod si Jesus na nagtitindog sa too nin Dios.

Mga Gibo 9:17

Kaya nagduman si Ananias, naglaog sa harong saka idinuta an saiyang mga kamot ki Saulo. Sinabihan niya ini, “Tugang na Saulo, sinugo ako nin Kagurangnan na Jesus na nagpahiling saimo sa dalan kan nagpapasiring ka digdi. Sinugo niya ako tanganing makahiling ka giraray asin mapano ka kan Espiritu Santo.”

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

Kapahayagan 1:10

Kan Aldaw nin Kagurangnan, napano ako kan Espiritu asin nakadangog ako sa likodan ko nin makosog na tingog na garo tanog nin trompeta,