Lukas 1:16 - Marahay na Bareta Biblia

¹⁶ Kadakul na mga aki nin Israel an ibabalik niya sa Kagurangnan na saindang Dios.

Lukas 1:16 Iomraidhean Croise

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Daniel 12:3

An mga madonong na lider magliliwanag siring sa panganoron, asin an mga nagtukdo sa mga tawo na maggibo kan tama magliliwanag sagkod lamang siring sa mga bitoon.”

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Mateo 21:32

Huli ta nagdigdi si Juan Bautista sa pagtukdo saindo kan tamang dalan, alagad habo kamong magtubod saiya. An mga parasingil nin buhis asin an mga maraot na babae nagtubod saiya. Alagad kamo, dawa nahiling na nindo ini, dai pa giraray nagbakle saka dai nagtubod saiya.”

Lukas 1:76

“Asin ika, aki ko, aapodon na propeta nin Kahorohalangkaweng Dios; huli ta maeenot ka sa Kagurangnan nganing andamon an saiyang lalakawan,

Lukas 3:3

kaya linibot niya an bilog na teritoryo kan Jordan saka naghulit, “Magbakle na kamo saka magpabunyag, asin papatawadon kamo nin Dios kan mga kasalan nindo.”