Levitico 9:4 - Marahay na Bareta Biblia

⁴ Magdara man sinda nin sarong torong baka asin saro pang karnero bilang dolot para sa katoninongan. Tututongon nindo iyan para sa Kagurangnan kaiba an dolot na pagkakan na sinalakan nin lana. Kaipuhan gibohon nindo iyan huli ta mapahiling saindo an Kagurangnan ngunyan na aldaw.”

Levitico 9:4 Iomraidhean Croise

Exodo 16:10

Kan nagtataram si Aaron sa komunidad nin mga Israelita, sinda gabos nagkiriling sa kalangtadan asin bigla nindang nahiling sa panganoron an kamurawayan nin Kagurangnan.

Exodo 19:11

asin mag-andam sinda sa ikatolong aldaw; huli ta sa aldaw na iyan mahilig ako sa Bukid nin Sinai tanganing mahiling kan mga tawo.

Exodo 24:16

An kamurawayan nin Kagurangnan nag-ontok sa Bukid nin Sinai. Sa paghiling kan mga Israelita, an kamurawayan nin Kagurangnan arog sa malaad na kalayo sa alitoktok kan bukid. Anom na aldaw na natahoban nin panganoron an bukid. Sa ikapitong aldaw, hale sa panganoron, inapod nin Kagurangnan si Moises.

Exodo 29:43

Diyan ko tatagboon an banwaan nin Israel, asin magigin banal an lugar na iyan huli kan sakong kamurawayan.

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Ezekiel 43:27

Pakatapos kan pitong aldaw, popoonan kan mga padi an pagdolot kan mga tinutong na atang asin kan mga atang para sa katoninongan. Dangan mawiwilihan ko kamo gabos. Ako, an Kagurangnan Dios, an nagtaram.”

Levitico 2:1

Kun magdara nin trigo an siisay man tanganing idolot sa Kagurangnan bilang dolot na pagkakan, kaipuhan na gilingon niya ngona iyan na magin arina. Uulaan niya iyan nin lana nin oliba asin bubugtakan nin insenso sa ibabaw,

Levitico 3:1

Kun igwa saindo nin magdolot nin saro kan saiyang mga lalaki o babaeng baka, bilang dolot para sa katoninongan, dapat na mayo iyan nin kaninan.

Levitico 9:23

Naglaog sa Tabernakulo si Moises saka si Aaron; pagluwas ninda, benendisyonan ninda an mga tawo. Nahiling kan mga tawo an kamurawayan nin Kagurangnan.

Levitico 9:3

Sabihan mo an mga Israelita na magdara nin sarong lalaking kanding bilang dolot para sa kasalan, sarong baka saka sarong karnero na pareho sarong taon an edad asin parehong mayo nin kaninan para sa tinutong na atang.

Levitico 9:5

Dinara ninda ini gabos sa atubangan kan Tabernakulo siring sa ipinagboot sainda ni Moises, asin an bilog na Israel nagtiripon duman tanganing sambahon an Kagurangnan.

Levitico 9:6

Nagsabi si Moises sainda, “Iyo ini an ipinagboot nin Kagurangnan na gibohon nindo tanganing mahiling nindo an kamurawayan niya.”

Mga Bilang 14:10

Boot kan bilog na komunidad na gapoon sinda sagkod na magadan, alagad biglang nahiling kan mga tawo sa Tabernakulo an kamurawayan nin Kagurangnan.

Mga Bilang 16:19

Tinipon ni Kora an bilog na komunidad asin nag-atubang ki Moises saka ki Aaron sa pintoan kan Tabernakulo. Dangan nagpahiling an kamurawayan nin Kagurangnan sa bilog na komunidad.