Levitico 7:2 - Marahay na Bareta Biblia

² An hayop para sa dolot na ini, bubunoon duman sa parteng amihan kan altar, saen binubuno an mga hayop na para sa tinutong na atang, asin an dugo kaiyan iuula sa apat na gilid kan altar.

Levitico 7:2 Iomraidhean Croise

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 40:39

Sa dakulang kwartong ini igwa nin apat na lamesa, duwa sa mag-ibong na gilid. Sa mga lamesang ini binubuno an mga hayop na idodolot bilang mga sakripisyo, na bilog na tututongon o na idodolot para sa kasalan o bilang kabayadan.

Levitico 1:11

Bubunoon niya iyan sa parteng amihan kan altar asin an mga padi iyo an maula kan dugo kan hayop sa apat na gilid kan altar.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 1:5

Dangan bubunoon niya an hayop sa atubang nin Kagurangnan, asin an dugo kaiyan idodolot sa Kagurangnan kan mga pading aki ni Aaron. Iuula ninda an dugo sa apat na gilid kan altar na yaon sa may pintoan kan Tabernakulo.

Levitico 14:13

Bubunoon niya an kordero duman sa pinagbubunoan kan mga hayop na idodolot bilang dolot para sa kasalan asin kan tinutong na atang. Gigibohon niya ini huli ta an dolot nin kabayadan sadiri kan padi asin orog kabanal, arog kan dolot para sa kasalan.

Levitico 3:2

Iduduta kan kagdolot an saiyang kamot sa ibabaw kan payo kan hayop dangan bubunoon niya iyan sa may pintoan kan Tabernakulo. Pakatapos, an dugo kan hayop iuula kan mga pading aki ni Aaron sa apat na gilid kan altar.

Levitico 3:8

iduduta kan kagdolot an saiyang kamot sa ibabaw kan payo kan karnero dangan bubunoon niya iyan sa atubangan kan Tabernakulo. Pakatapos, iuula kan mga padi an dugo kan karnero sa apat na gilid kan altar.

Levitico 4:24

Iduduta niya an saiyang kamot sa payo kan hayop asin bubunoon niya iyan duman sa amihan na parte kan altar saen binubuno an mga hayop na iaatang. Iyan an dolot na mahale kan kasalan.

Levitico 4:29

Iduduta niya an saiyang kamot sa payo kan kanding asin bubunoon niya ini duman sa amihan na parte kan altar saen binubuno an mga hayop na tinututong.

Levitico 4:33

Iduduta niya an saiyang kamot sa ibabaw kan payo kan hayop asin bubunoon niya iyan duman sa parteng amihan kan altar saen binubuno an mga hayop na tinututong.

Levitico 5:16

Babayadan niya an saiyang utang saka matao pa siya nin dagdag na beynte porsyento. Itatao niya iyan sa padi na iyo an madolot kan hayop bilang atang para sa saiyang kasalan, asin papatawadon siya.

Levitico 5:7

Alagad kun dai niya kayang magdolot nin karnero o kanding bilang kabayadan kan saiyang kasalan, madara siya sa Kagurangnan nin duwang salampati o agbaan; an saro kaiyan bilang dolot para sa kasalan asin an saro bilang tinutong na atang.

Levitico 5:9

asin iwiwirik niya an kadikit na dugo kaiyan sa gilid kan altar. An matadang dugo papatagdoon niya gabos sa pamitisan kan altar; iyan sarong dolot na makakahale nin kasalan.

Levitico 6:25

na itao ki Aaron asin sa saiyang mga aking lalaki an minasunod na pagsusundon manongod sa mga dolot para sa kasalan. An hayop na idodolot para sa kasalan kaipuhan na bunoon duman sa parteng amihan kan altar, sa lugar na binubunoan kan mga hayop na tututongon. Iyan sarong banal na dolot.

Levitico 6:7

Idodolot kan padi an atang para sa kasalan kan nasabing tawo asin papatawadon siya.

Mga Bilang 6:12

Idudusay niya giraray an saiyang sadiri sa Kagurangnan bilang sarong Nazireo. An mga naenot na aldaw dai ibibilang, huli ta nadigtaan an konsagrado niyang buhok. Bilang pantubos sa kasalan, madara siya nin sarong kordero na sangtaon pa sana an edad.

Hebreyo 11:28

Huli sa pagtubod, sinelebrar niya an enot na Paskwa, saka ipinagboot niyang iwirik an dugo sa mga pintoan, tanganing dai gadanon kan Paragadan an matuang mga aking lalaki kan mga Israelita.

Hebreyo 12:24

Nagdolok kamo ki Jesus na iyo an tagapagultanan kan bagong tipan, asin sa iwinirik na dugo na igwang mas marahay na mga panuga ki sa panuga kan dugo ni Abel.

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.