Levitico 5:4 - Marahay na Bareta Biblia

⁴ Kun an sarong tawo pakaraw na magsumpa, minsan sa ano man na bagay, magkakasala siya sa oras na maaraman niya an saiyang naginibo.

Levitico 5:4 Iomraidhean Croise

2 Samuel 21:7

Alagad huli kan banal na panuga na ginibo ninda ni Jonatan sa lambang saro, ilinigtas ni David an aki ni Jonatan na si Mefiboset, na makoapo ni Saul.

2 Mga Hade 6:31

Nagsabi an hade, “Gadanon logod ako nin Dios kun dai ko papugotan si Eliseo ngunyan na aldaw!”

Salmo 106:33

Pinangagin nindang mapait an puso ni Moises, kaya dai na inisip kaini an tataramon na minaluwas sa ngoso.

Levitico 5:13

Sa paaging iyan idodolot kan padi an atang para sa kasalan kan nasabing tawo asin papatawadon siya. An matadang arina magigin pagsadiri kan padi, arog sa dolot na pagkakan.

Levitico 5:3

Kun an sarong tawo dai tuyong makaduta sa anoman na bagay na maati na gikan sa tawo, magkakasala siya sa oras na maaraman niya an saiyang naginibo.

Mga Bilang 30:6

Kun an sarong daraga, tuyo man o bakong saboot na manuga nin ano man o manumpa na malikay sa sarong bagay, dangan magpaagom,

Mga Bilang 30:8

Alagad kun dai magtugot an saiyang agom pakadangog kan panuga, mayo nin halaga an panuga saka sumpa, na tuyo man o bakong saboot na ginibo niya. Papatawadon siya nin Kagurangnan.

Mateo 14:7

kaya nagsumpa siya na itatao sa daraga an anoman na hagadon kaini saiya!

Mateo 14:9

Namondo an hade, alagad huli kan saiyang sumpa sa atubang kan gabos niyang bisita, nagboot siyang itao an hagad kan daraga.

Markos 6:23

Nagsumpa pa siya nin siring, “Itatao ko saimo an anoman na hagadon mo, maski an kabanga kan sakong kahadean!”

Mga Gibo 23:12

Pagkaaga, nagtiripon an nagkapirang mga Judio asin nagkaoroyon sinda na gadanon si Pablo. Nagsumpa sinda na dai makakan o mainom nin anoman sagkod na magadan ninda si Pablo.

Josue 2:14

Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”

Josue 9:15

Nakipagtipan si Josue sa mga taga Gibeon asin tinugotan niya sindang mabuhay. Nagsumpa an mga lider kan banwaan nin Israel na ootobon ninda an tipan.

Hukom 11:31

idodolot ko saimo bilang tinutong na atang an enot na tawong magsabat sako hale sa laog kan sakong harong pagbalik ko hale sa kapangganahan.”

Hukom 21:18

Dai ta pwedeng ipaagom sainda an satong mga aking babae huli ta nanumpa kitang mamaldisyonon an siisay man na magpaagom kan saiyang aking babae sa sarong Benjaminita.”

Hukom 21:7

Ano an satong magigibo tanganing matawan ta nin agom an natatada pang kalalakihan ni Benjamin? Dai ta man pwedeng itao sainda an satong mga aking babae huli ta nanumpa kita sa Kagurangnan.”

Hukom 9:19

Kun tunay asin tudok sa puso an ginibo nindo ngunyan ki Gideon asin sa saiyang pamilya, mag-ogma kamo sa kaibahan ni Abimelec dangan mag-ogma siya sa kaibahan nindo.

1 Samuel 1:11

Nagsumpa si Hanna, “O Kagurangnan nin mga hukbo, hilinga an pagtios ko an saimong sorogoon, asin giromdoma ako! Hare ako paglingawe! Kun tawan mo ako nin aking lalaki, nanunuga ako na lalaenon ko siya para saimo sa bilog niyang pagkabuhay asin dai nanggad puputolon an saiyang buhok.”

1 Samuel 25:22

Gadanon logod ako nin Dios kun dai ko gadanon an lambang saro kan mga lalaking idto bago mag-aga!”