Levitico 5:3 - Marahay na Bareta Biblia

³ Kun an sarong tawo dai tuyong makaduta sa anoman na bagay na maati na gikan sa tawo, magkakasala siya sa oras na maaraman niya an saiyang naginibo.

Levitico 5:3 Iomraidhean Croise

Ezekiel 44:27

dangan magduman siya sa patyong nasa laog kan Templo asin magdolot nin atang para sa saiyang kasalan. Ako, an Kagurangnan Dios, an nagtaram.

Levitico 13:3

Sisiyasaton kan padi an gatok asin kun puminuti an barahibo na yaon sa kublit na may gatok, saka kun an gatok mas hararom ki sa palibot na kublit, iyan sarong nakakatakot na helang sa kublit; ipapahayag kan padi na siya maati.

Levitico 5:2

Kun an sarong tawo dai tuyong makaduta sa anoman na bagay na maati, arog baga kan gadan na hayop, magigin maati siya asin magkakasala sa oras na maaraman niya an saiyang naginibo.

Levitico 5:4

Kun an sarong tawo pakaraw na magsumpa, minsan sa ano man na bagay, magkakasala siya sa oras na maaraman niya an saiyang naginibo.

Levitico 7:21

An siisay man na kumakan kan idinolot na karne pakatapos na siya makaduta sa ano man na maati, tawo man o hayop, dai na ibibilang na kaayon sa banwaan nin Dios.

Mga Bilang 19:22

Magigin maati an anoman na kinapotan kan maating tawo asin an siisay man na kumapot kaiyan magigin maati sagkod pagkabanggi.